Монгол Улсын Урлагийн Гавьяат Зүтгэлтэн, найруулагч С.Сугар агсны хүү, өв залгамжилсан уран бүтээлч, УДЭТ-ийн жүжигчин С.Болд-Эрдэнэ Монгол улсын гавъяат жүжигчин боллоо.
Монголын драмын урлаг уналтад байсан тэр цагт Г.Эрдэнэбилэг, С.Болд-Эрдэнэ, Г.Амгаланбаатар, Н.Наранбаатар тэргүүтэй уран бүтээлчид орж ирснээр хэлтэй, хөлтэй болсон гэж үздэг.
Эдгээр уран бүтээлчид хамтран “Драмын дөрөв” хэмээх хамтлаг байгуулан дуулж олны талархлыг хүлээж байлаа.
Тэднээс Төрийн соёрхолт найруулагч Н.Наранбаатар саяхан гавъяат жүжигчин болсон бол түүний араас С.Болд-Эрдэнэ түүчээллээ.
Амьдралын урсгал дунд нийлсэн найзуудынхаа талаар Н.Наранбаатар “Нөхөрлөл бол сайхан зүйл.
Хүний амьдралын агуу зүйлүүдийн нэг хэлбэр шүү дээ. Зуун төгрөгтэй байснаас зуун найзтай байх зарчмыг баримтлахыг хичээдэг. Нөхөрлөлийн мөн чанар гэдэг цаг хугацааны урсгалд харагддаг. Энэ нь л жинхэнэ нөхөрлөлийн мөн чанар юм даа” гэжээ.
