Монголын барилгын салбарын магнат, загалмайлсан эцэг ноён Д.Баттөр “Жигүүр” гуанзнаас “Жигүүр гранд” группээ байгуулж, бизнесийн вант улсаа тунхаглахдаа энэ амьдралд үзэж, туулаагүй зүйл ховор гэдэг.
Тэр бүхэнд эрийн зангараг зааж, мэргэжлийн ур чадвараараа амжилтаа далласан түүний анхны гэргий тус группийн дэд ерөнхийлөгч Н.Эрдэнэтунгалаг. Тэрээр Д.Баттөрд гурван охин, хоёр хүү төрүүлж өгсөн.
Гэвч мань эр хоёр дахь эхнэрээр өөрийнхөө том охидтой үе тэнгийн Онон хэмээх бүсгүйг сонгосон байдаг. Сүүлийн үед “Баатар ван” амралтынхаа бизнесийг гардан ажиллах болсон “Жигүүр гранд”-ын “бага хатан” Онон олны нүднээс нууцхан амьдардаг ч өнгөрсөн жил Алдарт эхийн одон хүртэж, Жигүүр грандыг донсолгосон их найр наадам хийж байв. Инстаграмд эрх чөлөөтэй, халуухан ээжүүдийн нэг хэмээн нэрлэгддэг түүний том хүү өдгөө гадаадад цэргийн дунд сургуульд суралцдаг бол гурван охин нь 2-10 насных.
Тэгвэл бага эхнэр Ононгоос төрсөн хүү нь цэргийн сургуулийн зуны амралтаараа эх орондоо ирж, гэрийнхнийхээ магнайг тэнийлгээд байгаа гэнэ шүү.
