Хошин урлагийн “Шинэ үе” хамтлагийн ахлагч, МУГЖ Н.Ариунболд буюу Бооёог танихгүй монгол хүн үгүй. Хөл хоригдсон цагаас эхлэн түүний үзэсгэлэнт гэргий Ганцэцэг, хоёр том охин Намуун-Эрдэнэ, Амин-Эрдэнэ нар сошиалыг хүчтэй ашиглах болсон.
Улмаар өөрсдийн гоо сайхан, амьдралын хэмнэлийн талаар сошиал хэрэглэгчидтэй нээлттэй яриа өрнүүлэх болсон тэд “ааваасаа” дутахааргүй алдартай болсон гэхэд хилсдэхгүй.
Жүжигчин Бооёод дөрвөн сайхан охин төрүүлж өгсөн, түүний гэргий өглөө бүр гэр бүлийнхнээ шар тостой хийцтэй цайгаар дайлдаг гэдэг. Харин оройд өөрийн гараар бүрсэн элгэн таргаар дайлж оронд нь оруулдаг аж. Тэгвэл тэрээр өөрийнхөө гараар бүрдэг элгэн тарагны жорыг лайваар хуваалцав. Тэрээр “ Элгэн тарганд нэг литр сүү, 100-20 грамм хөрөнгө ( тарагны дээж ) хэрэгтэй. Сүүгээ буцалгасны дараа хөргөж бүлээсгэнэ.Сүүнээсээ хэсэг сүүг таслан авч ( 100 орчим грамм ) хөрөнгөө хийн сайтар хутгана.Дараа нь бүхэл сүүндээ хөрөнгөө хийж самарч сүүгээ халуун бүлээн болмогц өөр саванд юүлж хучин тасалгааны хэвийн темпратурт 2-4 цаг байлгана.Ингэснээр амтат элгэн тараг бий болно” гэв. Мөн тэрээр “Хөрөнгө болон юүлж хучсанаас хойшхи темпратураас хамааран тарагны амт өөрчлөгддөг.Гашуунгүй элгэн тарагны хөрөнгөөр хийсэн тараг сайхан болдог.Мөн темпратураа сайн зохицуулахгүй бол халуудвал шар ус гарна , хүйтэдвэл муу бүрэлддэг” гэдгийг сануулав.
Тараг нь хоол боловсруулалт болон бодисын солилцоог сайжруулах ба жин хасч хоолны дэглэм барихад нэн тохиромжтой кальциар баялаг бүтээгдэхүүн билээ.
