Нэгэн цагт UBS телевиз хэл яриа, гадаад үзэмж, оюун билгээрээ манлайлдаг залуусыг нөмөр нөөлөгтөө багтааж, хөтлөгчөөр ажлуулж байсан.
Тэдний нэг бол тус телевизийн нэвтрүүлгийн хөтлөгч Цэцэгсайхан. Загварын бүсгүйчүүдээс дутахааргүй өндөр нуруу, бие хаатай явсан тэрээр өдгөө гэр бүл зохиож, хөөрхөн үрсийн ээж болсон. Түүнчлэн өөрийн нэрний үгээ оруулсан “Цэцэг” хэмээх цэцгийн дэлгүүрийг ажлуулаад багагүй хугацааг үдэж буй. Тэгвэл тэрээр бизнес эрхлэгч бүсгүйчүүдийн бодол, хандлагыг илтгэсэн үнэтэй үгсээ өөрийн цахим хуудсаараа дамжуулан хүргэжээ.
Тэрээр “Хувиараа юм хийхэд гардаг хүндрэлүүдийн нэг бол танидаг хүмүүсийн хандлага байдаг тэ. Би юм хийж байгаадаа заавал тэр хүмүүст нэг өртэй эсвэл албатай. Үнэгүй авна, хямдруулж авна, уурлаж авна, дарамталж авна, загнаж авна, гомдож авна, зарим нь бүр албатай юм шиг авна. Нэг өгнө нээх юм бодохгүй. Хоёр дахаа өгөхөд баярласан шинжгүй авна. Гурав дахь удаа өгөхгүй байхад надад өширхөнө. Тэр найз нь, тэр эгч нь байна гээд тооцоо хийхгүй гарч явна. Дараа өгнө гээд өгөхгүй өнгөрнө. Миний поп сенсаци, дэгжин ганган постуудыг хараад их л үнэтэй цэцэгс зараад, их л баяжаад байгаа гэж боддог байлгүй дээ. Гэвч би чинь үеийн үед их дэлгүүрийн дундаж ханшаар л аялдан дагасаар ирсэн юм шүү дээ. Сайхан түүхийг нь сонсоод уярч нэг хямдруулна. Болсон явдлыг нь дуулаад урагдаж нэг хямдруулна. Олохдоо олж, гаргахдаа гаргаж, алдахдаа ч алддаг юм шүү дээ би ч бас…
Сэтгэлээ илүү их шингээдэг болохоор үнэтэй санагддаг юм болов уу? Зовлонгоо сайн нуудаг болохоор боломжтой харагдаад байдаг юм болов уу? Харин бүүр нэг намайг оогт танихгүй юм шиг үйлчлүүлчихсэн, захиалга өгчихсөн дотны хүмүүсийг дараа нь улам их хүндэлмээр санагддаг. Ямар их зүйл туулж явааг минь ойлгодогт бас дэмждэгт баярлалаа. Өөрөө юм хийж эхэлснээсээ хойш нэг ч найз нөхдийнхөө үйлчилгээнээс хямдрал харахаа болисон. Чамд бол тэд эд гэхэд нь гүйэээ зүгээр үнээрээ бод гэдэг хандлагатай болсон.
Бие биенээ дэмжиж, бусдын хөдөлмөрийг хүндэтгэдэг байцгаая” гэжээ.
