Дэлхий нийтийг хамарсан цар тахлын улмаас манай улсад хөл хориог сайн зохион байгуулж бараг сураад байсан. Харин цар тахлын шинэ хувилбар гарсантай холбоотойгоор гадаадаас эх орондоо ирж байгаа иргэдийг нэг өдрийн 100 000 төгрөгийн үнэ бүхий зочид буудалд тусгаарлаж байгаа. Тусгаарлалт хийх байрууд нь манайдаа л тансагт тооцогдох 3-5 одтой зочид буудлууд. Гэвч уг буудлуудын хоол, үйлчилгээний чанар 00 зааж байгааг буудлуудад тусгаарлагдаж байгаа иргэд мэдэгдэж байна.
Гадаадаас эх орондоо ирж байгаа иргэн өдрийн 100 000 төгрөгөөр гурван өдөр нийт 300 000 төгрөгөөр тусгаарлагдана. Уг 100 000 төгрөгөөр өдрийн гурван хоол багтаж байгаа. Гэхдээ хоол нь хүн идэхэд бэрх, “нохой тоож шиншлэхээргүй” байгааг тусгаарлалтад байгаа иргэд ярьсаар байна.
Харин өлсөж цангах болон ариун цэврийн асуудлаа зах зээлийн ханшнаас өндөр өртгөөр хангах болно. Тодруулбал, ус ундаа, саван, алчуур зэргийг зах зээлийн үнэнээс нэмүү өртөгтэйгөөр худалдан авч болно. Авахгүй бол гурван өдөр хир буртагтайгаа зууралдаж, өлсөж ундаасахаас өөр сонголтгүй болж байна. Тухайлбал ганц нүүр гарын саван 5000 төгрөгийн үнэтэй байх жишээний. Тухайн 5000 төгрөгийг өгсөн ч саванг нь авчирч өгөхгүй.
Зургийн тайлбар: Тусгаарлах байранд зарагдаж буй эд зүйлсийн үнэ ханш
Уг нь эх орондоо ирж байгаа хүмүүс онгоцонд суухаасаа өмнө 25 ам.доллараар /25 ам.доллар өнөөдрийн ханшаар 71250 төгрөг болж байгаа/ шинжилгээ өгч байгаа. Эх орондоо ирээд шинжилгээ өгч байгаа.
Үүнээс гадна эх орондоо ирээд хүн нэг бүр 20 000 төгрөгөөр тусгаарлагдах байр руугаа явна.
Гурав дугаар тундаа хамрагдсан эсэх нь огт хамаагүй заавал л гурван өдөр буудалд тусгаарлана.
Дээрх бүх зардлыг тооцоод үзэхээр нэг гэр бүлийн эхнэр нөхөр гурван хоног тусгаарлагдахад хамгийн багадаа нэг сая гаруй төгрөг болж байна.
Бусад улсад иргэнийг гэртээ өөрийгөө тусгаарла гэж байгаа бөгөөд гадаадын иргэнийг л буудалд тусгаарлаж байгаа. Гэтэл манай улс ийнхүү зочид буудлын бизнесээ дэмжиж ийнхүү гадна, дотнын иргэн гэж ялгалгүй буудалд тусгаарлаж байгаа ч ийнхүү өнөөдрийг хүртэл зохион байгуулалтаа хийж чадахгүй иргэдийг бухимдуулж, чирэгдэл үүсгэсээр байна.
Дэлхий нийтийг хамарсан цар тахал анх бүртгэгдсэн цагаас эхэлж, тусгаарлах байрны асуудлыг шийдэж, өдгөө ийм асуудал гарахааргүй туршлагажсан байх ёстой УОК өнөөдрийг хүртэл туршлага хуримтлуулсангүй.
УОК-ийн дарга С.Амарсайхан уг нь цар тахлыг анх гарахаас нь эхлээд энэ “тогоонд буцалсан” хэрнээ өнөөдрийг хүртэл туршлагажсангүй. Чадахгүй бол чаддагт нь өгөөд суудлаасаа зайлаад өгөх хэрэгтэй шүү Шадар сайд С.Амарсайхан аа!!!
А.Баярмаа
