Төрийн шагналт түүхч Д.Өлзийбаатар энд гарч ирэв

Нэрт түүхч, түүхийн ухааны доктор, Төрийн шагналт түүхч Д.Өлзийбаатарыг танихгүй хүн ховор биз ээ. Монголын анхны “Монголчууд цахим түүх” сонсдог номын зохиогч тэрээр сүүлийн үед нам гүм амьдрах болж. Магадгүй түүхийн архивыг гадаад оронд худалдсан гэх халдлага, дам яриа мань хүнийг эмзэглүүлсэн биз. Харин тэрээр саяхан нээлтээ хийсэн сэтгүүлч, яруу найрагч Д.Дамдинжавын “Суу билгийн судар – Суут нууц” номын нээлтэд ирсэн харагдана лээ.
Д.Өлзийбаатар түүхчийн намтарыг сөхвөл, тэрээр Улаанбаатар хотод төрсөн бөгөөд МУИС- ийн түүхийн ангийг түүхч, түүхийн багш мэргэжлээр төгссөн аж. Түүхийн ухааны докторын зэргийг “МОНГОЛ ДАХЬ УЛС ТӨРИЙН ХЭЛМЭГДҮҮЛЭЛТИЙН ГАДААД ХҮЧИН ЗҮЙЛС” сэдвээр 1998 онд ШУА- ийн түүхийн хүрээлэнд хамгаалсан бөгөөд 1982 оноос Баянхонгор аймгийн Байдраг суманд түүхийн багшаар ажиллаж ажил хөдөлмөрийн гараагаа эхэлжээ. 1983 оноос улсын түүхийн төв архивт архивч, НАХЯ ны дээд сургуульд багш, НАХЯ ны тусгай архивт судлаач, улсын архивт эрдэм шинжилгээний ажилтан, улсын түүхийн төв архивын дарга, хэлмэгдэгсдийн судалгааны төвд эрдэм шинжилгээний ахлах ажилтан, ШУА-ын түүх археологийн хүрээлэнгийн эрдэмтэн зэрэг ажил эрхэлж байжээ.
2000 оноос 2013 хүртэл засгийн газрын хэрэгжүүлэгч агентлаг Архивын ерөнхий газрын дарга. 2013 оноос өдгөөг хүртэл “Монголчууд цахим түүх” сонсдог цуврал ном дээр ажилласан байна.
“ХХ зууны монголчууд” гэх мэт 10 шахам ном бичиж 60 гаруй түүхэн сэдэвт ном бүтээл редакторласан 100 гаруй эрдэм шинжилгээний өгүүлэл нийтлэл бичсэн түүнийг Төр үнэлж, Төрийн соёрхол Алтангадас Хөдөлмөрийн гавьяаны улаан тугийн одон ШУА- ийн Хубилай хааны нэрэмжит Америкийн Монголч эрдэмтэн Jack Weatherford сангийн нэрэмжит шагналуудыг олгож байжээ.