Загварын алдарт Vogue сэтгүүлийн 4-р сарын дугаарын нүүр хуудсыг супермодель Белла Хадид чимжээ. Тус сэтгүүлд өгсөн ярилцлагадаа 14 настайдаа гоо сайхын хутганы дор ороогүй байгаасай гэж хүсдэг талаараа хэлжээ.
Мөн Белла өөрийнхөө даван туулсан сэтгэл зүйн амаргүй асуудлаасаа хуваалцсан байна.
“Хүмүүс үргэлж хэлэх үгтэй байдаг, гэхдээ миний хэлэх ёстой зүйл бол намайг салбарын болон эргэн тойрны хүмүүс үргэлж буруугаар ойлгодог байсан” гэж тэрээр нэмж хэлсэн байна.
Хадид өнгөрсөн оны арваннэгдүгээр сард Инстаграм хуудсандаа хэд хэдэн удаа уйлж буй сельфигээ оруулж, өөрийн сэтгэл зүйн байдлын талаар бичиж байсан билээ. Энэ тухайд тэрээр “Би эргэн тойрныхоо харилцаа, хандлагыг ойлгохын тулд хангалттай зовсон. Сэтгэл зүйн хувьд маш хүнд цохилтуудыг өөртөө авч байсан. Гэвч өөртөө цаг зарцуулж, өөртэйгээ хамт байж, өөрийгөө ойлгох нь тэр бүхнийг даван туулахад хамгийн чухал гэдгийг эцэст нь ойлгосон” гэжээ. Түүний сэтгэлийн өвдөлтийн нэг шалтгаан нь түүний шүтэн бишрэгчид, эргэн тойрны хөндлөнгийн хүмүүс “Чи гайхалтай тансаг амьдралаар амьдарч байна” гэж хэлдэг байсан нь түүнийг алдах эрхгүй, сэтгэлээр унах эрхгүй, гомдох эрхгүй мэт болгодог байсанд оршдог гэж Белла ярьжээ. 
“Би үргэлж гомдоллох эрхгүй гэдгээ мэдэрдэг байсан. Энэ нь надад мөн тусламж авах эрх байхгүй гэсэн үг байсан. Хүмүүс надаас үргэлж аз жаргалтай зураг шиг байхыг шаарддаг байсан нь миний хувьд асуудал байсан”
гээд олон нийтээс маш их түгшүүр, хүлээлт, дарамт ирдэг. Гэвч олон жилийн туршид би сайн жүжигчин болсон.” гэж тэрээр ярилцлагадаа дурджээ.
