Монголын хошин урлагийн хамтлагууд дотроосоо амбиц карьер сайтай хамтлаг бол “Макс”.
Анх “Өнгөт инээд” хамтлагаас туурга тусгаарлан хамтлагаа байгуулж байсан МУГЖ Эрдэнэзаан, МУГЖ Мөнхсайхан, МУГЖ Баярмагнай нар ойрын өдрүүдэд монголын ард түмэнд хүн чанараа таниулж явна. Учир нь тус хамтлагийн хамгийн “царай муутай”, авьяаслаг жүжигчин гэгддэг жүжигчин Дэлгэрсайханы хувийн амьдралд асуудал гарч, ганц охин нь хүндээр өвдөж байхад туслаж дэмжих нь бүү хэл өөрсдөөсөө “зайлуулж” яваа аж.
Жүжигчин Дэлгэрсайханы хувьд охин хүү хоёртой бөгөөд 40 насны босгон дээр анхны амьдралаа зохиожээ. Гэвч амьдралд хэлж ирдэггүй хийсч ирдэг өвчин тэдний гэр бүлд тохиосон бололтой. Эрхэм жүжигчин охиныхоо эмчилгээний зардлыг цуглуулахаар ганцаараа Өвөрхангай аймгийн сумдуудаар тоглолт хийж яваа аж. Түүнд хамтлагийн хамт олноос нь хэн ч хань бараа болж явсангүй, ганцаараа ийнхүү авьяасаа ашиглаж мөнгө цуглуулахаар яваа юм байна.
Өдгөө тус хамтлагийн тулгын гурван чулуу гэгддэг МУГЖ Баярмагнай гадаадад гахай шувууны мах идсэн шигээ аялж яваа бол, хамтлагийн ахлагч Эрдэнэзаан гавьяат цар тахлаар шалтгалж хамтраагүй тухайгаа цахим хуудаснаа бичсэн байна.
Харин хамтлагийн авьяаслаг гишүүн МУГЖ Мөнхсайхан, Ганзориг нар өдгөө хошин урлагийнхны хамтарсан “Big show”-нд оролцож яваа билээ.
