Хошин урлагийн Маск хамтлаг өдгөө салбарынхаа ачааг үүрэлцээд олон жилийг үдэж буй. Анхлан “Өнгөт инээд” хамтлагаас туурга тусгаарлаж байсан жүжигчин Эрдэнэзаан, Мөнхсайхан, Баярмагнай нар өдгөө бүгд МУГЖ цол тэмдгээр шагнуулж, төрдөө үнэлүүлсэн.
Тэгвэл бид тэрхүү уран бүтээлийн нэгдлийн “том босс” МУГЖ П.Эрдэнэзааныг папараци дурандаа буулгалаа.
Увс нутгаас гаралтай тэрбээр багаасаа зураг зурдаг авьяаслаг хүү байсан ч, амьдралын мэргэжлээ сонгохдоо жүжигчнээр суралцаж 1994 онд СУИС-ийг дүүргэжээ. 
Өдгөө 50 насны босгыг алхаж яваа жүжигчин П.Эрдэнэзааны тайзны нэр нь Заанаа. Аав нь түүнд бөх болохыг бэлэгдэж энэ нэрийг хайрлаж байсныг тэрбээр дурсан санасан байдаг.
