Хэдхэн хоногийн дараа буюу энэ сарын 19-нд Монголд дэлхийн од, реппер Lil Pump монголын тайзан дээр дуулж, фенүүдтэйгээ “амьдаараа” уулзана.
Уг тоглолтыг үзэх гэж азийн бусад орнуудаас багагүй шүтэн бишрэгчид нь манай улсыг зорьж ирж буй гэх мэдээлэл чих дэлссэн.
Тэгвэл энэ цагийн шилдэг репперийг эх орондоо урьж, халааснаасаа НЭГ САЯ АМ.ДОЛЛАР буюу төгрөгийн ханшаар 3 тэрбум гаруй төгрөгийг халааснаасаа гаргасан залуутай эрхэм уншигч таныг танилцуулъя.
Түүнийг Ж.Энхжаргалан гэдэг. Монголын хамгийн шилдэг, шинэлэг гэх арга хэмжээ, тоглолтуудыг зохион байгуулдаг “BRB” продакшны босс тэрбээр дөнгөж 40 насны босго алхаж яваа ч, анх ухаалаг дэлгэц борлуулан бизнесийн гараагаа эхлүүлсэн түүхтэй нэгэн. Өөрийнхөө хоббиг бизнес болгосон тэрбээр эвент менежментийн салбарт олноос онцгойрч тодрон манлайлсаар байгаа. Дэлхийн хэмжээний шоу гэгддэг The voie of Mongolia, Авьяаслаг Монголчууд” гэх зэрэг олны мэддэг шоуны тайз заслыг хийн, олон улсын түвшинд хүрснээ харуулсныг тус шоуг шимтэн үзсэн бид бэлхнээ мэднэ.
MCS, Оюутолгой, МИАТ зэрэг томоохон компаниудад ажиллаж байгаад бизнесээ эхлүүлсэн тэрээр Монголын хамгийн том, хамгийн шинэлэг хөгжмийн фестиваль болно гэгдэж буй Xуур Music Festival-ийг санаачлан, зохион байгуулсаар таван жилийн нүүр үзэж буй. Өөрсдийн гэсэн үзэгч фенүүдтэй болсон, энэ цагийн шилдэг шоу бизнесмэн түүнийг манай папараци дурандаа буулгалаа.
Сонирхуулахад, тэрбээр Улсын нийслэл Улаанбаатарын баруун хэсгийг худалдаа үйлчилгээ, зэх зээлээрээ базсан “Драгон холдинг” компанийн эзэн С.Баяртын хүргэн хүү гэсэн шүү. Хүргэн хүргэндээ хөрөнгөлөг, сэргэлэн, санаачлагчтай нэгэн гэж байгаа.
