Монголын хошин урлагийн томоохон хамтлагуудын нэг “Мөрөөдлийн театр”. Тус хамтлагаар овоглож өнөөгийн зэрэг зиндаагаа тодорхойлох болсон жүжигчин Баттөмөр буюу “банш” Батаагийн эхнэр нөхрөөсөө дутахааргүй олны танил.
Өдгөө дөрвөн хүүхэдтэй “Алдарт эх”-ийн одонтой тэрбээр бусдад ухаарал өгөхүйц пост оруулжээ.
Тэрбээр “Эмнэлэгт охинтойгоо 8 хонож байна. Саяхан эмнэлгээс гарсан 2 ээжийн тухай бодогдоод…
Ээж А хүүдээ хоолны дэглэмийг яс
бариулж, эм тарианд нь байнгын хяналттай. Хүүтэйгээ ярилцан юу хийхийг хүсч байгаа, яамаар байгааг тогтмол асууж царайных нь хувирал бүрийг анхааралтай ажиглана.
Өрөө дүүрэн хүмүүс том багагүй утсаа ухаж байхад тэр ээж хүүгээ унтсаных нь дараа л утсаа шагайх юм.
Ээж Б ихэвчлэн хэвтэх юмуу унтана. Хоолны цаг болоход хүүдээ ихэвчлэн гоймон идүүлнэ, төрөл төрлөөр нь идүүлэх юм. Өдөрт аяга цай битгий хэл балга ус ч уулгахгүй, хүссэн ундаагаар нь бөмбөгдөнө. (Хэвтрийн дэглэмгүй боловч идэж уухдаа орон дээрээ хэвтээгээрээ)
Хүү нь сэрэнгэ байх хугацааныхаа 80%-ийг утсаа ухаж хэвтэж өнгөрөөнө (уг нь мэдрэлийн гаралтай унадаг өвчлөлтэй шүү дээ) үлдсэн 20%-д нь хааяа нэг ээжтэйгээ хөзөр тоглох, уурлах, үглэх юм.
Хүний амьдрал цаанаа ямар ч байж болох хэдий ч хандлага гээч нь амьдралын ямар ч нөхцөлд адилхан л байдаг санагдах юм.
Бусдыг шүүх гэсэнгүй зүгээр л түмэн өнгөтэй хорвоод буман өөр хүн аж төрдөг.
Бусдын амьдрал надад хамаагүй мэт боловч ээж Б-ийн хүүхдийн өмнөөс харуусаад байлаа…” гэжээ.
