Монголчууд олимпийн аваргатай болсон түүхэн өдөр

Өнөөдөр бид олимпийн аваргатай болсон түүхэн өдөр. 2008 оны наймдугаар сарын 14 нд Булган аймгийн Сайхан сумын харьяат Монгол Улсын хөдөлмөрийн баатар, гавьяат тамирчин Найдангийн Түвшинбаяр Бээжингийн олимпийн наадамд жүдо бөхийн -100 кг-ын жинд түрүүлж олимпийн аварга болж байлаа. Тэрбээр алтан медалийн төлөө Казахстаны бөх Асхат Житкеевийг ялж Монгол хүн, Монголын баг олимпийн алттай, аваргатай болж байлаа. Түүний гаргасан өндөр түүхэн амжилтыг бид мартах учиргүй.
Түүнчлэн одоогоос 18 жилийн өмнө 2004 оны Афины зуны олимпийн 60 кг-ын жинд хөдөлмөрийн баатар, гавьяат тамирчин Хашбаатарын Цагаанбаатар хүрэл медалийг энэ өдөр эх орондоо авчирч байв. Нэг ёсондоо Монголын жүдочдын түүхэн өдөр өнөөдөр тохиож байгаа юм.