“360 градус” хошин нэвтрүүлгээс төрөн гарсан залуу жүжигчдийн нэг болох Г.Төмөрчөдөрийг манай сайтын папараци дуран онцоллоо. Түүний хувьд анх хошин жанраар тоглодог.
Мөн дуучин Ононгын “Яаруулахгүй” дууны клинд жүжигчин Б.Баярмаатай тоглож байв.
Г.Төмөрчөдөрийг анх олонд таниулсан “360 градус” нэвтрүүлэг нь Монголын анхны хошин мэдээллийн хөтөлбөр бөгөөд 2000 оны сүүлчээр найман настай балчраас наян настай буурлууд шимтэн үздэг нэвтрүүлгүүдийн нэг байв.
Тус нэвтрүүлгийг Хөдөлмөрийн баатар Цэрэндагва, ардын жүжигчин Мэндбаяр нарын шавь Кино урлагийн дээд сургуулийн төгсөгч, оюутан залуус эфирт амилуулдаг байсан юм.
“360 градус” хошин нэвтрүүлгээс хойш тийм төрлийн нэвтрүүлэг нэг бус удаа эфирт гарсан ч тус продакшны залуус шиг “хол” явж, амжилт үзүүлж чадаагүй.
