Уран бүтээл төдийгүй хувийн амьдралаа холбож, урлагийн ертөнцөд хоёргүй сэтгэлээр зүтгэж яваа олны танил хосууд нэлээд бий.
Дуучин, жүжигчин, загвар өмсөгчдийн дунд өнгө гэрэл гялбасан эгэлгүй тэрхэн ертөнцөөс өөрсдийн хайр сэтгэлийг олцгоосон сонирхол татам түүх ч цөөнгүй байдаг.
Тэгвэл тэдгээр хосуудын нэг нь “Шинэ үе” продакшины жүжигчин Н.Отгонтунгалаг гэх царайлаг бүсгүй ба түүний нөхөр болох жүжигчин Г.Баярхүү нар. Урлагийнхан дундаа ааш араншин, байгаа биеэ авч яваа байдлаараа “Юндэн гөөгөө” гэддэг жүжигчин Г.Баярхүү тун удахгүй нээлтээ хийх Фантастик продакшны бүтээл “Зура-2” буюу Цурам ажиллагаа кинонд дүр бүтээсэн сурагтай.
Ингэхдээ тэрбээр анх удаагаа үзэсгэлэнт эхнэртэйгээ хамт нэг уран бүтээлд тоглосон аж. Энэ цагийн “Юндэн гөөгөө” тодотголыг үеийн уран бүтээлчдээсээ хүртсэн түүнийг манай папараци дуран онцолж байна.
Хосуудын хувьд КУДС-д хамт суралцаж байхдаа нэгнээ олж, ханилжээ. Өдгөө тэд хоёр хүүхдийн ээж аав болцгоосон төдийгүй уран бүтээл хийгээд хувийн амьдралаа ч амжилттай авч явдаг.
