Close Menu
ТАС.МНТАС.МН
  • Эхлэл
  • Папарацци
  • Фото
  • Сонжоо
  • Ярилцлага
  • Харьцуулалт
Facebook X (Twitter) Instagram
ТАС.МНТАС.МН
  • Эхлэл
    Featured
    Recent

    ЛУЙВАРЧДЫН ХУУЛЬ БУС БАРИЛГЫН СУУРИЙГ НУРААЖЭЭ

    05/11/2025

    Дуучин Jason хүүтэй болжээ

    05/10/2025

    Монгол Улсаас Тайландын хаант улсад суугаа Элчин сайд Т.Амарсанаагийн эхнэр өндрөөс унаж нас баржээ

    05/09/2025
  • Папарацци
  • Фото
  • Сонжоо
  • Ярилцлага
  • Харьцуулалт
Facebook X (Twitter) Instagram
ТАС.МНТАС.МН
Home»Мэдээ»Т.БАТМӨНХ: Баяжуулах үйлдвэрийн хүдэр боловсруулах хүчин чадлыг 6 сая тонноор нэмэгдүүллээ
Мэдээ

Т.БАТМӨНХ: Баяжуулах үйлдвэрийн хүдэр боловсруулах хүчин чадлыг 6 сая тонноор нэмэгдүүллээ

Эрхэм админBy Эрхэм админ08/26/2022Updated:08/26/2022Сэтгэгдэл байхгүй4 Mins Read
Facebook Twitter Pinterest LinkedIn Tumblr Email
Share
Facebook Twitter LinkedIn Pinterest Email

Баяжуулах үйлдвэрийн Өөрөө нунтаглах хэсгийн жилд 6 сая тонн хүдэр боловсруулах хүчин чадалтай өргөтгөлийн 4-р шугамыг ашиглалтад хүлээн авахаар Улсын комисс Эрдэнэт үйлдвэрт ажиллаж байна.  

44 дэх жилдээ хүдэр олборлож буй Эрдэнэтийн Овоо ордын ил уурхай гүнзгийрэхийн хэрээр уул геологийн нөхцөл хүндэрч байна. Хүдэр дэх зэсийн агуулга буурч, хүдрийн хатуулаг өсөж байгаатай холбоотой Эрдэнэт үйлдвэрийн эцсийн бүтээгдэхүүний гарц, борлуулалтын орлого буурах эрсдэлтэй нөхцөл байдал үүсэж байгаа юм. Үүний эсрэг авч буй арга хэмжээ бол үйлдвэрлэлийн хүчин чадлыг нэмэгдүүлж бүтээгдэхүүний өсөлт бий болгох. Энэ зорилтын хүрээнд Эрдэнэт үйлдвэр техник, технологийн шинэчлэл, өргөтгөлийн ажлыг үе шаттай амжилттай хэрэгжүүлж байгаагийн тод жишээ нь хүдэр боловсруулах хүчин чадлыг 6 сая тонноор нэмэгдүүлэх энэхүү өргөтгөл юм. 

Улсын комиссын хуралдаан завсарлах үеэр “Эрдэнэт үйлдвэр” ТӨҮГ-ын Ерөнхий инженер Т.Батмөнхтэй цөөн хором ярилцлаа.    

-Их ажлын ард амжилттай гарсан сэтгэгдлээс тань хуваалцъя? 

-Юуны түрүүнд үйлдвэрлэлийн хүчин чадлыг нэмэгдүүлэх түүхэн бүтээн байгуулалт, өргөтгөлийн ажлыг удирдаж зохион байгуулсан, барилгын ажлыг гүйцэтгэсэн, тоног төхөөрөмжийг үйлдвэрлэж авчирсан, угсралт тохируулга дээр ажилласан бүх хүмүүст чин сэтгэлийн талархал дэвшүүлж, баяр хүргэе. Үйлдвэрлэлийн хүчин чадлыг 6 сая тонноор нэмэгдүүлэх Баяжуулах үйлдвэрийн Өөрөө нунтаглах хэсгийн өргөтгөлийн ажил хоёр жил гаруй хугацаанд үргэлжилж дууслаа. Одоо Улсын комисс ажиллаж байна. Ажлын гүйцэтгэлийн явцад төрийн хяналтын байгууллагын мэргэжилтнүүд, Улсын байцаагч нартай хамтарч ажиллаж байсан. Далд ажлын үед газар дээр үзэж танилцаад акт тавьж, болж байна гэсэн дүгнэлт өгснөөр дараагийн ажил руугаа орж явдаг байсан болохоор Улсын комисс ажиллахад их дөхөм байгаа болов уу. Цаг хугацаа ч хэмнэх байх. Бичиг баримтын бүрдэл бүрэн цэгцтэй хийгдсэн.

-Цар тахлын нөхцөл байдал өргөтгөлийн ажилд хэр зэрэг нөлөөлсөн бэ?   

-Цар тахлын нөхцөл байдлаас үүдэлтэй үйлдвэрлэгч компаниудын үйл ажиллагаа доголдох, зогсох, бараа материалуудаа татан авахад тээвэр ложистикийн асуудал, хил гаалийн хүндрэл, сэлбэг, бараа материалуудын үнийн огцом өсөлт гээд олон асуудал тулгарсан. Гэсэн ч анх байгуулсан гэрээнийхээ нөхцөлийг хэвээр хадгалж,  яам, тамгын газар, Улсын онцгой комиссын дэмжлэгтэйгээр төслөө амжилттай хэрэгжүүллээ. Техник, технологийн дэвшил, дэлхийн брендүүдийг үйлдвэртээ суурилуулж чадлаа.

-Өөрөө нунтаглах хэсгийн шинэ шугам  ашиглалтад орсноор ямар боломжууд нээгдэж байгаа вэ? 

-Эрдэнэт үйлдвэрийн тэр дундаа Баяжуулах үйлдвэрийн хүдэр боловсруулах хүчин чадал жилд 6 сая тонноор нэмэгдэж байна. Үүнийг дагаад баяжмалын гарц 100 мянган тонноор нэмэгдэнэ. Мөн үүнийг дагаад борлуулалтын орлого жилд 200 орчим сая доллараар өснө. Энэ хэрээр улс, орон нутгийн төсөвт төвлөрүүлэх мөнгө нэмэгдэнэ. Хүмүүс буурал уулаа хурдан ухаж дуусгах гээд байгаа юм уу гэдэг. Тийм биш. Бид эрдэс баялгийн нөөц өсгөх төслийг амжилттай хэрэгжүүлж, үйлдвэрийнхээ насжилтыг уртасгасан. Цаашид ч нэмэгдүүлээд явна. Ирээдүйд үүсэх хүндрэл бэрхшээлээс урьдчилан сэргийлэх тооцооллоор үйлдвэрийн өргөтгөл шинэчлэлийн ажлыг үе шаттай байнга хэрэгжүүлэх ёстой. Үүний тулд зөвхөн хүдэр боловсруулалт, уурхайн ажлыг нэмэгдүүлэх бус, цахилгаан болон усан хангамжийн ажлууд, хаягдал хураах сангийн цогц асуудал бүгд хоорондоо уялдаатай явах учиртай. Бид усан хангамжийнхаа асуудлыг өнгөрсөн жил шийдэж, Улсын комисст хүлээлгэн өгсөн. Цахилгаан хангамжийн асуудал шийдэгдэж байна. Хүдэр боловсруулалтаа нэмэгдүүллээ. Одоо Хаягдлын аж ахуйн өргөтгөл шинэчлэлийг орчин үеийн дэвшилтэт технологид тулгуурлан хийнэ. Үүнтэй холбоотой техник эдийн засгийн үндэслэлүүдээ боловсруулаад батлаад авчихлаа.  Ингээд цаашид үйлдвэрийн маань өргөтгөл шинэчлэлийн ажлууд үргэлжлээд явна. Үр дүнд нь үйлдвэрийн маань ажиллах хугацаа нэмэгдэнэ. Үйлдвэрлэлийн өөрийн өртөг буурна. Найдварт ажиллагаа сайжирна. Бүтээгдэхүүн үйлдвэрлэлийн чанар дээшилнэ. Өрсөлдөх чадвар өсөн нэмэгдэх боломж бүрдэх юм.

-Шаардлагатай боловсон хүчнийг өнгөрсөн гуравдугаар сараас бэлтгэж эхэлсэн. Энэхүү өргөтгөл ашиглалтад орсноор хичнээн ажлын байр шинээр бий болж байна? 

-68 ажлын байр шинээр нэмэгдэж байгаа. Бид дотоод нөөц бололцоогоороо ажлын байрыг нягтруулах арга хэмжээ авч 18 ажлын байрыг дотоодоосоо хангасан. 50 ажилчныг шинээр авч, гуравдугаар сараас өнөөдрийг хүртэл сургаж, ажлын байран дээр нь дадлагажуулан бэлтгэлээ. Шинэ ажилтнууд маань сайн ажиллаж байгаад баяртай байна. Техник, технологийн шинэчлэлийн гол үр дүн хүний хүчин зүйлээс хамаардаг. Тиймээс хүний хөгжил хүдрийн үл тасрах хурдаас хоцрох ёсгүй. Бүр өмнө нь явах ёстой.

-Баярлалаа.        

Эрдэнэт үйлдвэр
Share. Facebook Twitter Pinterest LinkedIn Tumblr Email
Эрхэм админ

Related Posts

ЛУЙВАРЧДЫН ХУУЛЬ БУС БАРИЛГЫН СУУРИЙГ НУРААЖЭЭ

05/11/2025

Монгол Улсаас Тайландын хаант улсад суугаа Элчин сайд Т.Амарсанаагийн эхнэр өндрөөс унаж нас баржээ

05/09/2025

Фото: Монгол цэргүүд өнөөдөр Москва хотноо ёслолын жагсаалаар алхана

05/09/2025

Comments are closed.

Сүүлд нэмэгдсэн

ЛУЙВАРЧДЫН ХУУЛЬ БУС БАРИЛГЫН СУУРИЙГ НУРААЖЭЭ

05/11/2025

Дуучин Jason хүүтэй болжээ

05/10/2025

Монгол Улсаас Тайландын хаант улсад суугаа Элчин сайд Т.Амарсанаагийн эхнэр өндрөөс унаж нас баржээ

05/09/2025

Зуны хамгийн эхний эвент, хамгийн COOL мэдрэмж IN DA HUREE

05/09/2025

Амиа хорлох гэж байсан иргэнийг аварчээ

05/09/2025

Фото: Монгол цэргүүд өнөөдөр Москва хотноо ёслолын жагсаалаар алхана

05/09/2025

Мод тарихдаа үндэсний үйлдвэрлэгчийн бордоог хөнгөлөлттэй үнээр авч болох нь

05/08/2025

“Татар“ хамтлагийн дуучин Д.Мөнхчулуун нэрээ өөрчилж, Д.Мөнхчулуунтатар болгон УБЕГ-т бүртгүүлжээ

05/08/2025

ДЭД ХУРАНДАА Э.БИЛЭГСАЙХАН МОНГОЛ ЦЭРГҮҮДИЙГ КОМАНДЛАН АЛХАНА

05/08/2025

“1984” ПОСТДРАМЫН ЖҮЖИГ ДАХИН ТАЙЗНАА

05/07/2025
Load More
Facebook X (Twitter)
© 2025 ThemeSphere. Designed by ThemeSphere.

Type above and press Enter to search. Press Esc to cancel.