Жүжигчин У.Минжин өвлийн улиралд дургүй

Сүүлийн үед үзэгчдийн сайшаалыг хамгийн ихээр хүртээд байгаа “Ихэр тавилан” киноны гол дүрийг бүтээсэн “X Түц” хамтлагийн залуу жүжигчин Уламбатын Минжин урлагт анх танигдахдаа хошин урлагийн жүжигчин гэдгээрээ онцгойрч байсан.
The voice of Mongolia шоунд оролцож муугүй дуулдаг гэдгээ харуулж явсан тэрбээр “Нийслэл хүүхэн” цувралд тоглохоосоо өмнө Х-Түц хамтлагийн залуу гишүүн гэгддэг байв. Сошиалыг идэвхтэй ашигладаг тэрбээр өөрийн цахим хуудаснаа өвлийн улиралд дургүй гэдгээ илэрхийлжээ. Мөн тэрбээр “хурдан зун болоосой” хэмээн хүсэл мөрөөдлөө цахим хуудаснаа “шивнэсэн” байна.
СУИС төгсөөд жүжигчний мэргэжлээрээ мастер хамгаалсан У.Минжин хөл хорионы үеийг ашиглан хуулийн чиглэлээр Их засаг их сургуулийг дүүргэсэн.
Тэрбээр ханьтайгаа учрахаас өмнө хэвлэлд өгсөн ярилцлагатаа “Ирээдүйн гэрлэх залуугаа сонгохдоо удам судар, өссөн орчинг харахаас гадна эрүүл мэндийн бүрэн шинжилгээнд хамруулж, хамтран амьдрах асуудлыг дараа нь бодож үзнэ” хэмээн ярьж байв.
Харин хамгийн сүүлд өгсөн ярилцлагатаа “Манай нөхөр бол миний ажил мэргэжлийг хамгийн ихээр дэмждэг,ойлгодог хүн. Аль болох боломж гаргаж намайг ажлаа хийхийг минь дэмждэг. Түүний хамгийн том илрэл нь “Ихэр тавилан” киноны үеэр ажлаасаа чөлөө аваад хүүхдээ харж надад туслахаар, миний ажлыг хийлгэхээр хамт явсан. Анх намайг Сэндэр буюу хүүхдээ алддаг эмэгтэйн дүрд тоглуулахаар яригдаж байсан. Кино зохиолоо уншаад л сэтгэлд буусан, зохиол нь үнэхээр сайн байсан ч ээж болоод удаагүй хүний хувьд бага зэрэг айдас төрж байсан. Тэр үед найруулагч маань чиний дүр Байгаль буюу олон хүүхэдтэй ээжийн дүр шүү гэж хэлээд намайг хамгийн их баярлуулж байсан. Хадаг бариад хүүхдийг маань гуйдаг хэсэгт би огт жүжиглээгүй” хэмээн ярьсан байдаг.