Монголчууд дуу хуураар хөглөгдөж, хөтлөгдөж ирсэн ард түмэн. Тиймдээ ч гуравхан сая хүн амтай хэрнээ тоолж томшгүй олон дуучидтай. Нийтийн дууны ертөнцөд өөрийн гэсэн байр суурийг хэдийнэ эзлэж, шинэ уран бүтээлүүдээрээ сонсогч түмнийхээ сонорыг мялаасаар яваа дуучин бол Д.Найдандорж юм.
Хөвсгөл нутгийн дуучин залуу хэдийнэ хит болж ард түмний аманд аялагдах “Хайраар зөөлөрдөг хорвоо”, “Жаргалын орон”, “Яг л чи минь”, зэрэг олон сайхан уран бүтээлүүдийг хүргэсэн.
Түүний уран бүтээлийн онцлог нь ээж аав, нутаг ус, ах дүү, үерхэл нөхөрлөл, хайр сэтгэл зэрэг бүхий л сэдвийн дуу зонхилдог учир тус тоглолт уярал ухаарлын гэгээн бүхнийг харуулдаг.
Энэ жилийн “Ахмадын баяр 2022” хүндэтгэлийн тоглолтод оролцож ая дуугаа өргөсөн байна. 
Тэрээр “Жил бүр уламжлал болгон зохион байгуулдаг Ахмадын баярын эхний өдрийн тоглолт эхэлж байна.Монголын өнцөг булан бүрд ахмадууд маань баяраа тэмдэглэж байгаа.Энэ ахмадын тоглолт маш гоё халуун дулаан уур амьсгалтай сайхан тоглолт болдог. Миний хувьд шинэ уран бүтээл гэхээс илүү хуучны сайхан дуу, анх дуулж байсан Ээжийн цэнхэр нутаг, Эхийн сэтгэл гэх мэт дуунуудаа өргөн барьж байна” гэсэн юм.
Нийтийн дууны “алаг нүдэн” хэмээн нэрлэгдэх болсон түүний гэрэл зураг манай дуранд хэрхэн буусныг сонирхуулья.
