“Сайхныг тань харангуутаа дурласан юм, Сэтгэлийг тань танингуутаа итгэсэн юм…” хэмээн дуулж 1990-ээд онд монголчуудын танил болсон МУГЖ С.Эрдэнэцэцэгийг папараци дурандаа онцолж байна. Өдгөө 53 настай тэрбээр УДБЭЧ-ийн гоцлол дуучнаар 1988 оноос хойш ажиллаж буй. Өдгөө хэдийнэ эмээ болсон ч, эмээ болоогүй 20-н хэдхэн настай хонгор бүсгүй мэт алхах ажээ.
Олны харцыг булаасан сайхан бүсгүйн хувийн амьдрал цаг үргэлж хүмүүсийн анхаарлын төвд байсан гэхэд хилсдэхгүй. Түүнийг хослон дуулдаг У.Далантайтай хайр сэтгэлийн холбоотой, хамтран амьдардаг хэмээн тухайн үеийн шар хэвлэлүүд бичдэг байсан ч хожим С.Эрдэнэцэцэг хэвлэлд өгсөн ярилцлагадаа “Бид хоёр урлагаар холбогдсон уран бүтээлийн найзууд. 
Хэн хэн нь гэр бүлгүй, залуухан хос дуучид байсан учраас ард түмэн “Энэ хоёр дуучныг нийлүүлчих юмсан” гэж хүсдэг бас ярилцдаг байсан. Шар хэвлэлээр бид хоёрыг олон жил холбож ярилаа. Бидний дунд хайр сэтгэлийн ямар ч холбоо байгаагүй. Тэр ч байтугай бид хоёрыг хамтран амьдраад салсан гэж ярьдаг. Үнэндээ бидний дунд тийм харилцаа байгаагүй. Би хүүгийхээ ааваас өөр хүнтэй ханилж үзээгүй” хэмээн тэр үеийн мэдээллийг худлаа гэдгийг баталсан юм.
Хамгийн сүүлд л гэхэд С.Эрдэнэцэцэгийг өөрөөсөө 17 насаар дүү залуутай хамтран амьдарч эхэлсэн тухай мэдээлэл цацагдаж байв.
Тэрээр ахмадын баярын хүндэтгэлийн тоглолтын үеэр манай дуранд гэрэл зураг нь буусан юм.
