Бүжигчин Г.Саруултөгс, Г.Ганзаяа нар охиноо өлгийдөж авчээ

Сошил инфлүнсер хосууд болох бүжигчин Төөгөө буюу Г.Саруултөгс, Г.Ганзаяа нар энэ сарын 4-ний өдөр бяцхан охиноо өлгийдөн авчээ.

АНУ-д байхдаа үерхэж эхэлсэн тэд олон жил хүлээсэн бяцхан үрээ ийнхүү өлгийдөн авсан бөгөөд энэ тухайгаа бүжигчин Төөгөө “2022.10.04-ний өглөө 3650 гр охинтой боллоо. Охиндоо Хайр гэж нэр өгсөн. Аавын Хайр, ээжийн Хайр. Олон жил хүсэн хүлээсний эцэст аав ээждээ ирсэн агуу хайрын билгэ тэмдэг болсон охин. Миний хайр үнэхээр хүчирхэг, мундаг эмэгтэй шүү. Аав, ээж, эмээ, өвөө, хайр нь гээд бүгдээрээ маш их бахархаж байна. Нэг ч уйлаагүй, уурлаагүй, ёоёо ч гээгүй. “Миний охин над дээр ирлээ ш дээ” гэж баярлаж инээж хөөрсөөр байгаад л төрлөө. Охин маань хүртэл ээж шигээ тайван амгалан, яг ээж шигээ уруул хамартай, над шиг шар охин байна” гэжээ.