Хип хоп R&B стилийн дуучдаар хүрээгээ бүрдүүлж олноо танигдах суурийг нь тавьж өгдөг “Тоонот” студийн уран бүтээлч Jason буюу жүжигчин, дуучин Б.Баяржавхланг танихгүй хүн ховор.
Дуулж, жүжиглэхийнхээ зэрэгцээ солонгос хоолны бизнес эрхэлдэг тэрбээр бизнесээ өргөтгөж, шинэ салбараа нээсэн гэнэ шүү.
Энэ тухайгаа тэрбээр “Сайн байцгаана уу Jeju samgyeopsal салбар 2 маань нээгдсэн шүү та нар минь ирж үйлчлүүлээрэй. Би нэг ийм ажил бас хийдэг юмаа” гэжээ.
Кино урлагийн дээд сургуулийг жүжигчин мэргэжлээр төгссөн Баяржавхлангийн хувьд УДЭТ хэмээх босго өндөр том айлаас уран бүтээлийн анхны гараагаа эхлэж байсан түүхтэй. Улмаар дэлгэцийн уран бүтээл рүү ханцуй шамлан орж “Зэрлэг цэцэгсийн хүлэмж”, “Өнөөдөр”, ”Зүүдэнд ч оромгүй явдал”, “Учрал”, “2000”, “Хүний цаана” зэрэг кинонуудад гол ба туслах дүрүүдийг бүтээсэн.
