Япон технологиор монголд үйлдвэрлэдэг “Тоди” живх хэдийнэ олны танил бүтээгдэхүүний нэг болсон. Тус бүтээгдэхүүнийг үйлдвэрлэдэг “Сүлд шонхор” ХХК-ний зүгээс нэгэн харамсалтай мэдэгдлийг гаргаж, өнгө мөнгөнд нүдээ ухаж өгөхөөс сийхгүй эрх бүхий хүмүүсийн талаар өөрсдийн албан ёсны цахим хуудаснаа бичжээ.
Тэдний мэдээллээр “Манай компани жил бүр 100,000 живхээ бяцхан дүү нартаа дээрх савлагаатайгаар /өнгөгүй уутанд савлан/ эмнэлгүүд, өрхийн эмнэлгүүд, хүүхдийн асрамжийн төвүүд гээд олон олон сүлжээгээр нэг ч гэсэн хүүхэд дулаан байг гээд үнэ төлбөргүй бэлэглэх аян зохион байгуулдаг. Гэтэл Хайлаастын нэг дэлгүүрт 1140 ширхэг буюу 76 боодол живх нэг уут нь #10000 төгрөг гээд зарж байх юм. Үнэхээр арай ч дээ хэлэх ч үг алга.
Дэлгүүрийн эзэн дээр очоод энэ живх зарагддаг живх биш ээ, манайх үнэ төлбөргүй хүүхдүүдэд бэлэглэдэг, зарж болохгүй гэсэн чинь надад хамаагүй би зарна, та нарт өгөхгүй надаас эсвэл худалдаж ав гэх юм. За тэгээд болоогүй
-та тэгвэл хэзээ авсан юм?
-мэдэхгүй
-хэдээр авсан юм?
-санахгүй байна.
-хэдэн ширхэгийг авсан юм?
-мэдэхгүй байна
-хэнээс авсан юм?
-санахгүй байна нэг хүнээс л авсан гэнээ… Үнэхээр гомдмоор…
Бид энэ живхээ үйлдвэрлэж байхдаа бяцхан дүү нартаа бэлэглэнэ гээд хичнээн баяр хөөртэй хийдэг, үйлдвэрлэдэг гэж санана.
Аргаа бараад цагдаад ямар замаар энэ дэлгүүрт очсоныг тодруулаад өгөөч гээд өргөдөл өгсөн чинь “Хэрэгтэй танилцаад гомдлыг хүлээн авахаас татгалзаж байна” гэдэг хариу өгөхөөр нь ямар учраас татгалзаж байгааг нь асуутал надад өчнөөн хэрэг байна, танай асуудлыг хянаад ингэж шийдсэн гэнэ ээ
Бид үндэсний үйлдвэрлэгч компаний хувьд нийгмийн сайн сайхан үйлсэд үргэлж идэвхтэй оролцож, нийгмийн өмнө үргэлж хариуцлагаа хүлээсээр ирсэн. Хууль цагдаагийн байгууллага ийм асуудлыг авч хэлэлцдэггүй хэрэг үү?
Энэ живхнүүдийг энэ дэлгүүрт аваачиж зарсан тэр хүн, хандивын живхийг худалдаалж байгаа тэр дэлгүүр энэ асуудлыг шийдвэрлэхээс татгалзсан тэр цагдаа нарт хандаж хэлэхэд “ТА НАРТ ХҮН ЧАНАР БАЙНА УУ. 
Наад зарж байгаа живхийг чинь энд зуу, зуун залуус баяр хөөртэйгөөр Монголын ирээдүй болсон хөөрхөн үрсдээ бэлэглэхээр үйлдвэрлэсэн юм шүү. Муу хүмүүсийг хартал нь шэйр хийгээд өгөөрэй” гэжээ.
