Шинэ Зеландын хүүхдийн живхний брэнд болох “Rascal+Friends” живхнээс хачиг гарч ирсэн талаар нэгэн иргэн цахим хуудаснаа онцолжээ.
Иргэн А тус живхийг худалдан авсан газартаа гомдолоо хэлсэн боловч манайх хариуцахгүй гэсэн байна.
Тэрбээр “Rascal+Friends живхнээс ийм хачиг гарсан. Ээжүүдээ маш болгоомжтой хэрэглээрэй. Худалдаж авсан газарт гомдолоо хэлсэн боловч манайх хариуцахгүй гэсэн. Монголд аюулгүй хүнс, хэрэглээ гэх зүйл үгүй болж. Хэнч хариуцлага хүлээдэггүй юм байна. Гэртээ уйдсандаа живхэн дотор хачиг тавиад бичлэг хийхгүй нь лавтай.
Өмнө нь анзаараагүй байгаад хүүхдийн минь гэдэс рүү орсон байвал яанаа. Ийм чанар муутай, хадаглалтын горимгүй зүйлс бүү аваарай” гэжээ.
Rascal+Friends живх сүүлийн хэдэн жил монголын зах зээлд нэвтэрсэн. Шингээлтийн хувьд дажгүй, үнийн хувьд боломжийн тул худалдан авах хүмүүс олон. Гэвч гадны брэндийг эх орондоо оруулж ирсэн байгууллага, хувь хүмүүс хадгалалтын горимыг алдуулсны улмаас ийнхүү шавьж хорхойн үүр болоход хүргэдэг аж. Үүнд мэргэжлийн хяналтынхан хяналт тавьж өгнө үү.
