Загварын ертөнцөөс олонд танигдсан царайлаг, халуухан залуусын нэг бол модель О.Билгүүн. Хоолны бизнесээс эхлээд 30 гаруй бизнесийг эхлүүлж үзсэн гэдгээ ил хэлдэг тэрбээр үнэн бодит мэдээлэл авахын тулд оройн мэдээллийн хөтөлбөр үзэх дуртай болсноо илэрхийлж байсан.
Мөн тэрбээр “Олон хоног л нүдэн балай, чих нь дүлий явлаа. Дуугарахгүй баймаар байсан ч арга алга. Яагаад гэвэл яг л ийм хэрэг өдөрт хэдэн арваараа гарч байгаа. Бид тэр болгоныг мэдэхгүй л өнгөрдөг. Мэдсэн ч хэсэг шуугиад л өнгөрнө. Сошиал сохор учир хариуцлага үүрүүлж байгаа хэргийг шийдэхгүй байгаа мэтээр ч харагдуулж чадаж байна. Зурагт үзэхэд бол шалгагдаад эрүү үүсээд яваа харагдана лээ… За энэ асуудал ийм байдаг юм байж. Гол яриандаа орцгооё.
Энэ асуудал нэг хүн дээр хариуцлага үүсгээд шийдэгдчихдэг асуудал ердөөсөө биш юмаа!
Бид арай өөр зураг харах ёстой юм болов уу?!
Энэ асуудлыг нийтээр нь шийдэх хамгийн зөв зам бол “SAFETY FIRST” буюу аюулгүй, эрсдлээс хамгаалах орчинг бий болгох явдал юм.
Хашаагүй Улаанбаатар болно гээд аюулгүй орчны тохижилтоо мартаж болохгүй! Энэ их төвлөрсөн хотод аваар осол гарахгүй байх ямар ч үндэслэл байхгүй. Тиймээс бид явган хүний зорчих хэсгийг хамгаалсан лав суурьтай хаалт, хамгаалалтын хашааг заавал хийх ёстой. Биднийг ирээд дайрч ал гэсэн аятай ямар ч аюулаас хамгаалах хаалт байдаггүй шүү дээ. Яг үнэндээ сүүлд аваар болсон газар нь явган хүнийг биш зогсоолд байрших машиныг хамгаалсан байх нь үнэхээр харамсалтай!
Энэ бол нийслэлийн тохижилтын том алдаа!
Гоё сайхан байлгах гэж байгааг нь ойлгож байгаа ч гол зүйлээ мартсан бололтой. Хотод стандарт бий. Стандартыг мөрдүүлдэг ажлын хэсэг хариуцлага алга! Иргэд эн тэргүүнд! Өнгөндөө бус агуулгадаа” гэжээ.
Модель О.Билгүүн “Аюултай орчинтой Нийслэлийн тохижилт” гэв
Нийтэлсэн: Эрхэм админ
