Одоогоос сар орчмын өмнө УИХ-ын гишүүн Д.Сарангэрэлийг хүний эрх, эрх чөлөөнд харшилсан “улны айлууд” гэх үг хэллэг хэрэглэж, төрийн өндөр албан тушаалтны ёс зүйн хэм хэмжээг зөрчсөн гэж үзэж Хөдөлмөр, нийгмийн хамгааллын сайдын албан тушаалаас чөлөөлсөн билээ.
Түүний оронд Монгол Улсын Засгийн газрын гишүүн-Хөдөлмөр, нийгмийн хамгааллын сайдаар Төмөрбаатарын Аюурсайханыг томиллсон юм.
Тэгвэл Д.Сарангэрэл гишүүн Т.Аюурсайханы хашиж байсан УИХ-ын дэд дарга суудалд санаархаж яваа гэнэ шүү. Тэрбээр УИХ-ын дэд дарга болох хүсэлтээ МАН-ын Удирдах Зөвлөлд илэрхийлжээ. Учир нь тэрээр МАН-ын парламентын асуудал хариуцсан орон тооны бус нарийн бичгийн даргаар ажилладаг юм байна. Харин түүний хүсэлтийг МАН-ын удирдлага дэмжих магадлал бага ажээ.
