Дархан хот дахь “Оюуны ирээдүй” цогцолбор сургуулийн А байрны нэг давхарт хий цацагдаж, багш, сурагчид, сургуулийн ажилтнууд эмнэлэгт хүргэгдсэн байна. 
Тодруулбал урьдчилсан байдлаар, сургуулийн нэгдүгээр давхарт байх “Цайны газар”-ын газ дэлбэрсэн гэх, мөн гаднаас хий бүхий сав шидсэн гэх мэдээлэл байна. Тухайн үед цайны газарт байсан сурагчид, багш, ажилтнууд зэрэг нийт 30 гаруй хүнийг эмнэлэгт яаралтай хүргэжээ.
Тэнд байсан хүмүүс амьсгаадсан, ханиалгасан, нулимс асгарсан байдалтай эхний шинж тэмдгүүд илэрсэн байгаа аж.
Хий цацагдсан асуудлаас үүдэн аймгийн Онцгой байдлын алба хаагчид шуурхай ажиллаж байгаа юм байна.
