2020 оны УИХ-ын сонгуулиар гишүүн болж, төрийн ордонд заларсан Д.Батлут зодоон цохионы хэргээр анх танигдсан гэдэг. Учрыг тодруулбал, “Мэнд асуусангүй” хэмээн хамгаалалтын ажилтан залуудаа шанаа өгсөн байдаг.
Энэ үйлдлээрээ өөрийгөө боевик гэдгээ харуулсан түүнийг манай сайт онцлон дурандлаа.
Түүний хувьд гишүүн болохоосоо өмнө сэтгүүлч, хэвлэл мэдээллийн байгууллагатай шүүхдэлцээд хоёр жил болж байгаа гэх. Тодруулбал, 2016-2020 он хүртэл Орхон аймгийн Засаг даргаар ажилласан бөгөөд түүнийг орон нутгийн удирдлагаар ажиллаж байхдаа Хөдөлмөр эрхлэлтийг дэмжих сангаас мөнгө төгрөг идэж уусан хэргээр шалгуулж буй эрхмүүдийн нэг гэх утга бүхий нийтлэлийг нэр бүхий өдөр тутмын сонинд нийтэлсэн аж.
Тиймээс эрхэм гишүүн Д.Батлут “Миний гэрэл зургийг зөвшөөрөлгүй оруулан, үндэслэлгүй худал мэдээлэл нийтэлж, олон нийтэд тараасан байна” хэмээн үзэж, нэр төр, алдар хүнд, ажил хэргийн нэр хүндэд хандсан гэж үзэж, шүүхэд гомдол гаргажээ.
Эл хэргийн шүүх хурал хоёр жил орчим үргэжилсэн бөгөөд гурван шатны шүүхээс нэр бүхий өдөр тутмын сониныг Д.Батлутын нэр хүндэд халдаагүй гэх шийдвэр гаргасан гэсэн шүү.
