Орд болгон өөрийн гэсэн өвөрмөц шинж чанар, гайхалтай онцлогтой байдаг. Тэгвэл өнөөдөр ТБД-Андууд Старс төвийн 1-р давхарт тун сонирхолтой бэсрэг үзэсгэлэн нээлтээ хийхээр болжээ.
Тодруулбал, зураач Э.Мягмардорж буюу “Дорж арт” өөрийн ТНГРИЗ брэнд, МЭГУМ нэртэй дэлгүүрээ нээж байгаатай холбогдуулан “11 сарын бороо ба хилэнцийн ордныхон” нэртэй уран бичлэгийн үзэсгэлэнгээ толилуулахаар болжээ.
Тус үзэсгэлэнд “Дорт арт”-ын 10 орчим уран бичлэгийн бүтээл тавигдах юм байна. Мөн хилэнцийн ордныхонтой холбоотой, тэднийг бэлэгдэж, тэднийг хамгаалдаг гоёл чимэглэл, аксессуарууд борлуулагдах юм байна.
Эрхэм зураач тус үзэсгэлэнгээ “Хилэнцийн ордныхон болон тэднийг хайрлагч хэн бүхэнд зориулав” хэмээн онцолжээ.
Ямартаа ч, та болон таны ойр дотны хэн нэгэн Хилэнцийн ордонд төрсөн бол тус үзэсгэлэнг заавал үзээрэй.
Үзэсгэлэн өнөөдөр буюу энэ сарын 14-нөөс энэ сарын 22-ны өдрийг дуустал 10-20 цагийн хооронд үргэлжилнэ.
