Өнөөдөр Монгол улсад дураараа дургиж, дунд чөмгөөрөө жиргэдэг хүмүүсийн нэг нь Хотын дарга Д.Сумъяабазар болжээ.
Тэрбээр циркийн арын задгай талбай буюу нийтийн эдэлбэр газрыг хувийн хэвшилд олгожээ. Ингэхдээ “бэлэглэх” зарчмаар өгч бүр худалдаа, үйлчилгээний газар, төв, цогцолборын зориулалтаар бэр дүүдээ өгсөн гэж байгаа.
Энэ газрын “ мапаан”2017 оноос эхлэлтэй.
Тухайн үеийн Засаг дарга С.Батболд цэцэрлэгт хүрээлэнгийн зориулалтаар олгож байж. Уг захирамжаасаа хойш тавхан сарын дараа буюу 2017 оны аравдугаар сарын 05-ны өдрийн А/741 захирамж гарган “Рояалплаза” ХХК-д эзэмшүүлсэн тухайн газрынхаа зориулалтыг газар доорх худалдаа үйлчилгээ, авто машины зогсоол болгон өөрчилжээ. Ингэхдээ 15 жилээр эзэмшүүлсэн байна.
Эл газрыг авсан зориулалтыг өөрчлөлт үүгээр ч дуусахгүй цааш үргэлжилнэ. Тодруулбал, нийслэлээс 2020 оны есдүгээр сарын 09-ний өдөр тухайн газрын эзэмших эрхийг худалдаа, нийтийн үйлчилгээний газар, төв, цогцолбор гэсэн зориулалттай болгож, 1460200733 нэгж талбарын дугаартай, эзэмших эрхтэйгээр кадастр гаргаж өгсөн байна.
Өөрөөр хэлбэл, Хотын дарга Д.Сумъяабазарын ажлаа авсныхаа дараа хийсэн шахуу үйлдэл. Тэрбээр хөл хорионы үеэр чоно борооноор гэдэгчлэн далимдуулж ийн өгсөн байна.
Нийслэлд газрын наймаа гаарсан. Нийтийн эзэмшил бүхий гудамж талбайг хэн нэгэнд, компанид цэцэрлэгт хүрээлэн барих нэрээр эзэмшүүлж сүүлдээ авто зогсоол, цогцолбор барих зориулалттай болгоод голруулчихаж буй нь сонгодог жишээ. Энэ л замаар дээрх газрыг залгих вий дээ.
Ямартаа ч, Нийтийн эзэмшлийн эдэлбэр газрыг бэр дүүдээ “бэлэглэдэг” хотын дарга Д.Сумъяабазар өөрөөсөө юун түрүүнд ичээч ээ
