Филлер тариа тариулснаас нүд нь сохорч, хараагаа алдсан харамсалтай хэрэг гарчээ.
Тодруулбал, Синдерелла гоо сайхны эмнэлгийн Олимп хотхоны салбарт өнгөрсөн аравдугаар сарын 25-ны өдөр Герман улсад амьдарч байгаад ирсэн, 36 настай иргэн З Синдерелла эмнэлэгт бүтэн нүүрний филлер тарилга хийлгүүлжээ.
Тухайн тарилгыг Синдерелла эмнэлгийн арьс гоо заслын эмч Анагаах ухааны магистрант М тарьсан аж.
Улмаар энэ үеэр иргэний нүд хараагаа алджээ. Синдерелла эмнэлгийнхэн тухайн үйлчлүүлэгчийн тарилгыг зогсоож, Улсын Гуравдугаар төв эмнэлэгт яаралтай хүргэсэн байна. Гэвч “хараагаа алдсан, эмчлэх боломжгүй” гэсэн хариу авчээ.
Хохирогч З хараатай үлдсэн нүдээ хамгаалж үлдэх, эрүүл мэндийн бусад хор хохирол учрахаас урьдчилан сэргийлэх зорилгоор Герман улс руу яаралтай явжээ.
Уг хэргийг Баянзүрх дүүргийн Цагдаагийн хэлтэст хэрэг бүртгэлтийн хэрэг нээн шалгаж эхэлсэн гэх мэдээлэл байна.
Мэдээллийн тэнцвэртэй байдлыг хангах үүднээс бид тус эмнэлэгтэй холбогдож тайлбар хүргэх болно.
3 сэтгэгдэл
Зүгээр байж чадахгүй бие эрхтнээ зэрэмдэглэхийн уршиг, наад эмнэлгээ сохор синдерелла гэж нэрлэвэл таарна
Үйлчлүүлэгчийн зөвшөөрлийн хуудас гээд өөрсдийгөө 100 хамгаалсан бичиг дээр гарын үсэг зуруулна. Хамгийн аймшиг нь үйлчлүүлэгчид нөхөн төлбөр өгөхгүй. Эдний гоо сайхан гэрээт эмч нь хайнга шүү. Одоо нүүр амруугаа битгий юм шахуулаарай
uugn ih turshlagatai mundag emch shdee zunduubochij bsan shunal geheesei ilvv bvvr ali boloh vilchlvvlegchee boddog hvn shig sanagdsan