Улаанбаатар хотод суугаа нутгийн иргэддээ ченжийн гар дамжуулахгүйгээр орон нутгаасаа өвлийн идшээ бэлтгэх боломжийг бүрдүүлэх зорилгоор “Хүргэлт-III” арга хэмжээг Говь-Алтай аймгийн Засаг дарга О.Амгаланбаатарын санаачилгаар 3 дахь жилдээ зохион байгуулж байгаа.
Энэ жилийн тухайд тус арга хэмжээг Сар шинийн баяр хүртэл нийт 3 сарын хугацаанд зохион байгуулж, Барс-2 худалдааны төв дээр аймгийн 18 сумын малчдын махыг худалдан борлуулахаар болсноороо онцлогтой юм хэмээн мэдээллийг олон нийтэд хүргэж байсан.
Уг мах өнөөдрөөс худалдаанд гарсан. Гэвч худалдаанаас илүү олны анхаарлыг татаж байгаа зүйл бол 18 сумын малчдын авч ирж байгаа хохины махан дунд 20 гаруй тарваганы мах нуун оруулж ирэхийг завдсан гэх мэдээлэл байна.
Уг нь сүүлийн гурван жилийн турш тарвага агнахыг хориглосон байтал ийнхүү нийслэл рүү тарваганы мах оруулж ирэхийг санаархсан нь Говь-Алтай аймгийн Засаг дарга О.Амгаланбаатар нийслэлчүүдэд тарваган тахал тараахыг санаархсан хэрэг гэх яриа гарч байна.
Ямартай ч нийслэлчүүдэд таравган тахал өвчин тараахыг завдсан байж болзошгүй энэ хэргийн талаар бид эргэж мэдээлэх болно.
