Монголдоо анх удаа дэлхийн дуурийн дуучдын хүрэх ёстой оргил, мөрөөдөл нь болсон Глиникийн олон улсын тэмцээнээс гранпри шагналыг бүсгүй бол МУГЖ С.Мөнгөнцэцэг. 
Монгол гэж бараг мэдэхүй, монгол дуучид дэлхийд танигдаж эхлээгүй байхад С.Мөнгөнцэцэг анхлан шанг нь татсан гавьяатай дуучин билээ.
Тэрбээр энэ амжилтаараа монголын Сонгодог урлагийн түүхэнд “Алтан” үсгээр бичигдэж үлдэх гавьяаг, авьяас, хөдөлмөрөөрөө авчирсан юм. Түүний энэ шагнал нь Монголын Сонгодог урлаг дэлхийн хэмжээнд дүйж очсоныг баталсан гэхэд болно.
Тэр бүр хэвлэлд гараад байдаггүй ч, салбартаа онцгойрдог түүнийг манай сайтын папараци дуран онцлон буулгалаа.
Түүний гаргасан тэр л тод жимээр өнөөдөр дэлхийн шилдэг баритон Э.Амартүвшин, “Марийнский” театрын гоцлол дуучин Г.Ариунбаатар, Италид алдар цуугаа мандуулсан Ч.Бадрал зэрэг олон авьяаслаг залуус алхаж яваа гэхэд хэн ч маргахгүй.
С.Мөнгөнцэцэг гавьяат “Богема” дуурийн Мими, “Чио Чио Сан” дуурийн Чио Чио Сан, “Сарьсан багваахай” дуурийн Розалинда, “Кармен” дуурийн Микаэлло зэрэг гол дүрд чадварлаг тоглож мэргэжилтнүүдэд өндөр үнэлэгдсээр яваа нэгэн юм.
