Олон сар жилүүдийг дамжин “Заяа” нэртэй охидын төдийгүй залуучуудын хамгийн дуртай дуу бол Цэцэг хамтлагийн дуучин Ч.Батболдын дуулсан “Заяа” дуу билээ. Б.Бадамдоржийн үг, ая уг дууг дуучин Э.Очирсайхан шинэчлэн коверлож дуулжээ. Өөрийн дуулсан дуугаа клипжүүлэн хүргэсэн нь олны талархлыг биш дургүйцлийг хүргэлээ.
Соёлын тэргүүний ажилтан дуурийн дуучин Эрдэнээгийн Очирсайхан нь дэлхийн чансаа өндөр уралдаануудад Монголынхоо нэрийг чамгүй гаргаж буй залуу уран бүтээлч юм. Хүүхэд байхаасаа сонсож өссөн дуугаа дуулах чинхүү хүсэлдээ хөтлөгдсөн ч түүнд энэ нь өөрийн кареарыг нь унагаж, үзэгчдийг бухимдуулав.
Дэлхийн чансааны олон тэмцээнд амжилттай оролцож явсан дуучин хуучны дууг дуулахдаа гаргасан нүүрний хувирал, клипний зохиол үзэгч түмэнд таалагдсангүй.
“Учиртай гурван толгой” дуурийн Юндэнгээс эхлээд дэлхийн сонгодгуудын гол дүрүүдийг нэлээдгүй бүтээснийг уншигчид тэр бүр мэдэхгүй. Дуучин хүнд зохих жанр, дуу гэж байдаг бололтой. Олон улсын хэмжээний дуучин бол ойр зуурын дуу дуулж өөрийн нэр хүндийг унагах үйлдэл хийхгүй байвал сайнсан.
