Нүүрсний хулгайг эсэргүүцсэн иргэдийн жагсаал төв талбайд хоёр дахь өдрөө үргэлжилж байна. Засгийн газрын эсрэг, нүүрсний хулгайн асуудалтай тэмцэх жагсаал өчигдрөөс эхэлж, зарим иргэд Их тэнгэрийн ам руу явсан. Үлдсэн жагсагчид нь төв талбайг тойрч оройн 23:30 цаг хүртэл шаардлага тавьсан. Иргэдийн жагсаал ямар нэгэн шийдэлд хүрээгүй учир өнөөдөр /2022.12.5/ хоёр дахь өдрөө үргэлжилж байна.
Тэгвэл өнөөдрийн жагсаалын улмаас 4 хүн гэмтсэн талаар Нийслэлийн цагдаагийн удирдах газрын дарга Р.Отгонжаргалаар мэдээллээ.
Түүний хэлж буйгаар “Цагдаагийн албан хаагчид шаардлагаа тавиад ажиллаж байна. Эмх замбараагүй байдал үүсвэл хууль тогтоомжийн дагуу шаардлагатай арга хэмжээг авна. Иргэдийн жагсаал цуглаан бүртгэлгүй зохиогдож байна. Гэвч цагдаагийн байгууллага иргэдийн эрх тэгш байдлыг харгалзан үзэж аль болох хүч хэрэглэхгүй тайван байдлаар зохицуулахыг хичээж байна. Гэвч энэхүү тайван жагсаалын хажуугаар олон нийтийг буруу зүйлд уриалж үймээн дэгдээсэн хэсэн бүлэг хүмүүс гарч ирсэн.
Тухайлбал нүүрсний асуудалтай холбоотой зарим хүмүүс жагсаал цуглааныг далимдуулж Эрдэнэс таван толгой ХХК-ны нийгмийн сүлжээ болон иргэдийн тайван жагсаалыг бусниулж мөн бага насны хүүхдүүдийг өдөөн хатгах зэргээр жагсаалын тайван бус байдлыг хурцадмал байдал үүсгэсэн. Мөн төв төлбайд Гацуур шатаасан иргэн мансууруулах бодис хэрэглэсэн нь тогтоогдсон” гэв.
