Сэлэнгэ аймгийн иргэдийн итгэлийг хүлээж УИХ-ын гишүүн болсон Ч.Ундрамын гэр бүлийн асуудал сошиалд олны анхаарлыг татаад байгаа. 
Гэр бүл салалтаар сошиалд шоу хийж, шүүхийн байгууллагад нөлөөлөхийг оролдож буй Ч.Ундрам гишүүний нөхрийг хүүхдүүдээ авахаар улайрах болсон гэх мэдээлэл байна.
Учир нь шүүхийн практикаас харвал, иргэн Б.Наранцацралт хэрэв хүүхдүүдээ өөр дээрээ авахаар бол нийт хөрөнгийнхөө ¾ буюу 75 хувийг авах эрхтэй болох юм байна. Харин хүүхдүүд нь ээжтэйгээ үлдэх сонголт хийвэл, Б.Наранцацралт нийт хөрөнгийнхөө ¼ буюу 25 хувийг авах аж.
Ийм учраас Б.Наранцацралт Ч.Ундрамыг хүүхдүүдээ өсгөх эрхгүй мэт нийгэмд “харлуулах” болсон байна.
Гэр бүлийн тухай хуульд зааснаар, гэр бүлийн эд хөрөнгийн харилцааг Иргэний хуулиар зохицуулдаг. Ингэснээр салалтаа дуулиан шуугиантай хийж буй Б.Наранцацралт, Ч.Ундрам нарыг 10-аас дээш жил амьдарсныг үндэслэн, шүүхийн байгууллага хөрөнгөө 50 хувиар хуваах шийдвэр гаргах магадлал өндөртэй байгаа юм.
Хэрэв шүүх байгууллага гэр бүлийн эд хөрөнгийн маргааныг хоёр талд 50 хувиар тооцож шийдвэрлэх бол, АЖ Ш.Чимэдцэеэ, МУГЖ Д.Түвшинжаргал нарынх шиг шийдвэрлэгдэнэ.
Өөрөөр хэлбэл, эхнэрийнх нь олсон орлого, нэр дээр байдаг бүх зүйлийн талыг нь нөхөр нь өөртөө авна гэсэн үг юм.
Ямартаа ч, Б.Наранцацралт шүүх хуралд нөлөөлж, эхнэрийнхээ эд хөрөнгийг 50-аас дээш хувиар хувааж авахын тулд юу ч хийхээс буцахгүй байгааг өнгөрсөн өдрүүдийн сошиалд сэвэгдсэн бичлэгүүдээс харж болно.
