АТГ-ын дэд дарга Г.Азжаргал “Өнөөдрийн байдлаар АТГ 2,3 их наяд төгрөгийг буцааж төлүүлсэн байна. АТГ бол урьдчилан сэргийлэх үүрэгтэй. Авлигын суурь шалтгааныг судалдаг. АТГ-аас Их Британи улсын Лондон хотод 4,3 тэрбум төгрөгийн үнэлгээтэй байрыг хураагаад түрээсэлж байгаа” гэлээ.
Мөрдөн хэлтэс шалгах хэлтсийн орлогч дарга Даваатогтох “АТГ, ТЕГ, ЦЕГ хамтарсан ажлын хэсэг 22 хэрэгт мөрдөн шалгах ажиллагаа явуулж байна. Үүнээс мөрдөн байцаалтын 7 хэрэг байгаа. Мөрдөн ажиллагааны явцад 47 обьектод нэгжлэг явуулж 15 хүнийг баривчилж, 10 хүнийг цагдан хоригдсон. АТГ дээр дэд ажлын хэсэг байгуулагдсан. 35 хүнийг яллагдагчаар татсан. “Эрдэнэс Тавантолгой” ХК 2018 оны 1 дүгээр сарын 1-ний өдрөөс 2022 оны арванхоёрдугаар сарын 1-ний өдрийг хүртэл хугацаанд давхардсан тоогоор нүүрс борлуулалтын 633 гэрээ байгуулжээ. Худалдан авах ажиллагааны талаар дээрх хугацаанд 20 сая болон түүнээс дээш үнийн дүн бүхий 576 ширхэг бараа, ажил үйлчилгээ худалдан авах тендер зарлаж гэрээ байгуулсан байна.
Мөрдөн шалгах ажиллагааны хүрээнд дараах албан тушаалтнууд шууд болон шууд бусаар оролцсон байна.
Ерөнхийлөгч асан Х.Баттулга
ЕТГ-ын даргаар ажиллаж байсан Ө.Шижир
ЗТХ-ын сайд асан Д.Ганбат
УИХ-ын гишүүн А.Адъяасүрэн
УИХ-ын гишүүн Д.Бат-Эрдэнэ
УИХ-ын гишүүн А.Анандбазар
ЕТГ-ын даргаар ажиллаж байсан З.Энхболд
УИХ-ын гишүүн Н.Наранбаатар
УИХ-ын гишүүн Б.Баттөмөр
УИХ-ын гишүүн Ц.Сэргэлэн
УИХ-ын гишүүн Ш.Раднаасэд
Өмнөговь аймгийн Засаг дарга Р.Сэддорж
Өмнөговь аймгийн ИТХ-ын төлөөлөгч Б.Эрдэнэ-Очир
Өмнөговь аймгийн Засаг дарга асан Б.Бадраа
“Эрдэнэс тавантолгой” ХК-ийн гүйцэтгэх захирлаар ажиллаж байсан А.Ариунболд
“Эрдэнэс тавантолгой” ХК-ийн гүйцэтгэх захирлаар ажиллаж байсан Б.Ганхуяг
“Эрхэт Монгол” группийн үүсгэн байгуулагч Х.Мандахбаяр.
