Олон улсын кино наадмуудаас шагналыг түүж байгаа кино бол “Трио” юм.
Нийгэмд дауны хам шинжтэй хүмүүсийг гадуурхдаг, өрөвддөг, шоглодог.
Нийгмээс ангид байлгах гэсэн үзэл, хандлага ажиглагддаг тул уг хэвшмэл ойлголт, хандлагыг халахын тулд эл киног эхлүүлжээ. “Трио” нэртэй уг киног үзсэн хүмүүс дауны синдромтой хүүхдүүдийг өөр нүдээр харж, хайрлаж, хайр дүүрэн хүмүүс гэдгийг нь ойлгох л кино багийнхны туйлын зорилготой.
Монгол улсын соёлын тэргүүний ажилтан, жүжигчин Д.Баттөмөр уг киног найруулж дауны хам шинжтэй хүний тухай өгүүлсэн дэлгэцийн бүтээлд дүр бүтээж байгаа билээ.
Эл уран бүтээл нь даунтай хүүхэд анх удаа тоглож буй, даунтай иргэний дүрийг онцлон гаргаж буй Монголын анхны кино юм.
“Хэнийг ч ардаа бүү үлдээ” гэдэг хүчтэй мессежийг дэлхийд өгөх зорилготой “Трио” кино дауны синдромоор дамжуулан монгол, монголизм, монголойд зэрэг үгсийг зүй бусаар олон улсад хэрэглэж буй бүдүүлэг байдлыг халах, Монгол ёс, уламжлалыг дэлхий нийтэд таниулах, түүгээр дамжуулан Монгол орны байгалийн үзэсгэлэнт газруудыг дэлхийд сурталчлах, дауны хам шинжтэй хүмүүсийн эрхийг хамгаалах, дэлхий даяар тэгш хүртээмжтэй нийгмийн цогцлоохын тулд олон улсад зөв ойлголт өгөх, цаашилбал Монгол үндэстний ижилсэл ба ялгарлыг дэлхийд таниулах зорилтот уран бүтээл юм.
Уг киноны Монгол дахь нээлт 2023 оны 02-р сарын 24-нд болох ажээ.
https://www.youtube.com/watch?v=jBGTvDgeBj0
