“Юнивишн”-ы гурвалсан үйлчилгээг тусад нь авч болно

“Юнивишн” ХХК-ийн хэрэглэгчид олон суваг дамжуулах, интернэтийн болон суурин утасны үйлчилгээг сонгож хэрэглэх боломжтой болсныг Шударга Өрсөлдөөн Хэрэглэгчийн Төлөө газраас мэдэгдлээ.
Энэ тухай мэдээллийг албан ёсны цахим хуудсандаа нийтэлсэн байна.
“Улсын Ерөнхий байцаагчийн 2022 оны арванхоёрдугаар сарын 9-ний өдрийн 63 дугаартай албан шаардлагын биелэлтийг “Юнивишн” ХХК-аас ирүүллээ.
Албан бичигт дурдсанаар дараах байдлаар шаардлагын биелэлтийг хангаж ажиллахаар болсон байна. Үүнд:
1. “Юнивишн” ХХК нь “Хэрэглэгч Олон суваг дамжуулах үйлчилгээ, интернэтийн үйлчилгээ суурин утасны үйлчилгээг дангаар нь ашиглах асуудлыг Харилцаа холбооны зохицуулах хороонд хянуулахаар хүргүүлсэн бөгөөд зөвшөөрснөөс хойш холбогдох тохиргоог системд хийж, ажлын 10 хоногт багтаан хэрэглэгчдэд хүргэхээр төлөвлөн ажиллаж байна” гэж,
2. Хэрэглэгч багц ахиулах, бууруулах боломжийг олгох үүднээс гэрээний хугацаанаас өмнө багцаа бууруулах хүсэлт гаргасан хэрэглэгчийн хувьд:
• Төхөөрөмж авсан бол тухайн төхөөрөмжийн ашигласан хугацаанд ногдох төлбөрийг үндсэн үнээс хасаж тооцох,
• Үйлчилгээний эрх авсан бол үнэгүй болон хөнгөлөлттэй үнээр ашигласан хугацаанд ногдох төлбөрийг хэрэглэгчээр дүйцүүлэн төлөх” байдлаар тус тус шийдвэрлэхээр болсон байна.
Биелэлтийг хангаагүй албан шаардлагын заалтуудын талаар ШӨХТГ-аас үргэлжлүүлэн судлах болно” гэжээ.
Сэтгүүлч(Дотоод)
Dejid Deegii
Д.Занданшатар: 2012 оноос хойш төрсөн хүүхдэд 1072 хувьцаа олгоно
УИХ-ын дарга Г.Занданшатар мэдээлэл хийх үеэрээ “Эрдэнэс-Тавантолгой”-н хувьцааг 2012 оноос хойшхи хүүхдүүдэд эзэмшүүлэх талаар ярьлаа.
Тус хувьцаа хуваарилагдсанаас хойш төрсөн 600 гаруй мянган хүүхэд 1072 хувьцаа эзэмшихгүй байгаа юм.
Тус хувьцааны талаар өмнө нь “Эрдэнэс -Тавантолгой” компанийн захирал асан Б.Ганхуяг мэдээлэл хийхдээ “Монгол Улсын Засгийн газрын тогтоолоор энэ асуудлыг шийдсэн байдаг. Тухайн үед УИХ, Засгийн газраас тогтоол гараад, 2012 оноос хойш төрсөн хүүхдүүдэд хувьцаа өгөөгүй. Одоо Монгол Улс 3.3 сая хүн амтай. 2012 оноос хойш төрсөн иргэдэд хувьцаа олгох нь Засгийн газрын эрхийн асуудал. Засгийн газрын, тэр дундаа Ерөнхий сайд У.Хүрэлсүхийн баримталж байгаа зарчим бол 2012 оноос хойш төрсөн иргэдэд хувьцаа олгох асуудлыг Засгийн газар анхаарч, УИХ-ын түвшинд шийдэх юм билээ. Энэ асуудал удахгүй шийдэгдэх байх гэж бодож байна” гэж байсан юм.