Дуучин Наки “Монгол улсын Соёлын тэргүүний ажилтан” цол тэмдэгээр шагнуулжээ. Тэрээр цахим хуудаснаа “Он солигдох мөчид
Хүүхэд байхаасаа дуу хөгжимд дурлаж гадна дотны олон оддыг харж сонсож дотроо мөрөөдөн, Монголын хүүхдийн ордоны найрал дуугаар хүмүүжин, дуулахаас гадна ая хөгжим зохиох хүсэлд автан, Бурханаас өгөгдсөн энэ авъяасаар эгшиг дуу холбож одоогоор 100 аад дууны ая зохиож, хөгжим найруулан ажиллаж байгаа билээ.
Үзэгч сонсогчдын сайн мэдэх нь
– “Хүлээлт”, “Хайралсан болохоор”, “Жинхэнэ”. Дуучин Цэлмүүн
– “Харамсаж хараад хэрэггүй” Киви хамтлаг
– “Алсад Ойрхон” МУГЖ Сарантуяа
– “Cosmic” МУГЖ Ариунаа
– “Асах Гэрэл” Камертон хамтлаг
– “Гурван үг” Дуучин Ганболор /Sweetymotion/
– “Маргаашийн Нарлуу хамт аялах уу?”, “Мөрөөдөл бид 2”, “Араас минь тэврээч”, “Савхин хүрэм”, 1106 цомог. Дуучин УКА
– “Мартахаасаа өмнө”. ТС дуучин Болд
– “Ми Сэнти” миний өөрийн анхны бие даасан album.
Гэх мэт хайртай дуунуудаа зохиож, шүтэж хүндэлж ирсэн уран бүтээлчидтэйгээ хамтран ажилласан он жилүүдийг үнэлэн Соёлын яамнаас
Монгол улсын соёлын тэргүүний ажилтан цол тэмдэг хүртээсэнд гүн талархал илэрхийлье. 🙏🏻
Надад уламжлуулж өгсөн Монгол түмний
Баялаг агуу түүх соёлыг бахархан хүндэтгэж байна.
Ирж буй 2023 оны эхэнд язгуур соёлоо бүх үндэстэнд түгээн таниулахаар бүтээж буй
“Эртний Сайхан” дуугаа түмэн олонд хүргэнээ.
Намайг дэмждэг, сонсдог, ар тал болж тусалдаг гэр бүл, анд нөхөд, сонсогч та бүхэндээ Хайртай.
Наки нь” гэлээ.
