“Хүний эрх”-ийг дээдлэгч Ц.Оюунгэрэл

Улс төрийн салбарт зам мөртэй, үүхтэй түүхтэй бүсгүй бол Ц.Оюунгэрэл. Америкт боловсрол эзэмшсэн түүнийг тус улсын бэр гэдгийг монголчууд андахгүй. Гэвч энэхүү гэр бүлийн асуудлаасаа болж, эсрэг намын эрэгтэй улс төрчдөд чичлүүлдэг тэрбээр сүүлийн үед ихээхэн дуугарах болсон. Мөн өөрийн шинээр байгуулсан намынхаа нэр нүүрийг олонд таниулахын тулд жагсаал цуглааныг алгасахаа больсон гэхэд болно.
“Хүний эрх”-ийн гэх тодотголыг өөрийн нэрийн хуудас болгосон түүнийг манай гэрэл зурагчин дурандаа буулгажээ. Тэрбээр жагсаалд хамтран зүтгэгч жүжигчин У.Цогтбаярын шинэ уран бүтээлийн нээлтэд уригдан ирсэн байна.