Хулгай хийвэл 5-12 жилийн ял онооно

Улаанбаатар хотод орон байрны хулгай 71 хувь, орон нутагт мал хулгайлах гэмт хэрэг 97 хувийг эзэлж байна. Бүртгэгдсэн гэмт хэргийг төрлөөр нь ангилбал, орон байранд нэвтэрсэн хулгайлах гэмт хэрэг 437 буюу 32 хувийг эзэлж байгаа. Үүнээс нийслэлд 312 буюу 71 хувийг, 125 буюу 29 хувь нь орон нутагт бүртгэгдсэн гэх албаны мэдээлэл байдаг. Тэгвэл өмчлөх эрхэд халдах буюу бусдын эд, зүйлсийг хулгайлсан тохиолдол хуулийн ямар хариуцлага хүлээдэг болохыг хүргэж байна.
Бусдын эд хөрөнгийг хүч хэрэглэхгүйгээр, нууцаар, хууль бусаар авсан бол хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл зургаан сараас таван жил хүртэл хугацаагаар зорчих эрхийг хязгаарлах, эсхүл зургаан сараас таван жил хүртэл хугацаагаар хорих ял шийтгэх аж.
2.1.хүн байнга амьдрах, үйл ажиллагаа явуулах зориулалттай орон байр, тусгайлан хамгаалсан байр, агуулахад нэвтрэх,
2.2.түүх, соёл, шинжлэх ухаан, техник, технологийн хөгжилд чухал ач холбогдолтойд тооцож тусгайлан хамгаалсан эд зүйлсийг хулгайлах,
2.3.ноцтой хохирол учруулж, их хэмжээний эд хөрөнгийг хулгайлах,
2.4.учрах саадыг арилгах зорилгоор зэвсэг, тусгайлан бэлтгэсэн зэвсгийн чанартай зүйл хэрэглэж, машин механизм ашиглаж үйлдсэн бол хоёр жилээс найман жил хүртэл хугацаагаар хорих ял оноодог байна. Дээрх гэмт хэргүүдийг байнга үйлдэж амьдралын эх үүсвэр болгосон, зохион байгуулалттай гэмт бүлэг үйлдсэн бол таван жилээс арван хоёр жил хүртэл хугацаагаар хорих ял оноодог байна.