Даяар дурсагдах далай даяан Дархан аварга Б.Бат-Эрдэнэ өдгөө “давхар дээлт” сайдын албыг хашиж яваа. Түүний гурван охиноос ууган, отгон хоёр нь олны хараанаас хол амьдардаг бол дунд охин Б.Бурмаа нь сошиалд идэвхитэй байдаг.
Энэ утгаараа тэрбээр саяхан залуу арслан Орхонбаяр руу “үг хаягласан нь” олны анхаарлыг татсан.
Тэгвэл тэрбээр энэ удаад өөрийн байгалиас заяасан төрхөндөө сэтгэл хангалуун байдгаа илэрхийлжээ.
Тэрбээр “Би өөрийнхөө эцэг, эхээс заяасан царай зүсэндээ хайртай.
Барууны гоо зүйн хэвшмэл хэм хэмжүүрт би дөнгөлөгддөггүй.
Орчин цагийн давхраат нүд, дүүрэн уруул, нарийхан хөмсөгтэй байж нэг л хэвэнд цутгасан хиймэл байхыг хүсдэггүй.
Монгол төрхтний бусдаас онцгойруулдаг өргөн шанаа, навтгар, нарамгар хамар, дугараг царай, өтгөн хөмсөгөндөө би хайртай.
Нүүрээ ч бусад зүйлсээр өнгөлөн далдалдаггүй.
Царайны сайхныг би сайхан инээмсэглэл, халуун дулаан харц, сэтгэлийн сайхнаас гарах дуу хоолой гэж боддог.
Энэхэн заяанд олдохгүй ховор, гайхамшигтай, сайхан хүний охин нь болж төрсөндөө би өдөр бүр талархдаг.
Эрхтэн бүтэн, ухаан саруул төрүүлсэн ижий аавдаа, нарт хорвоогын тоосыг одоо ч хөдөлгөж буй хувьтайдаа би талархдаг” гэжээ.
