Нэгэн цагт монголын үндэсний урлаг, язгуур өв соёлыг дэлхийд таниулж, олон улсын үзэгчдийг гайхшруулж явсан хамтлаг бол “Хөсөгтөн”.
Дэлхийн томоохон шоунуудын финалд ногоон гэрлээр шалгарч байсан тус хамтлагийнхан өдгөө тус тусын уран бүтээлээ хийж байна.
Тухайлбал, тус хамтлагийн морин хуурч В.Батзориг шинэ оны өмнөхөн “Их Хаан ЧИНГИС” цомгоо өлгийдөж, олон улсын онлайн дэлгүүрүүдээр худалдаалж эхэлсэн байдаг. Тэгвэл бид түүнийг энэ удаагийн папараци дурандаа онцлон буулгалаа.
Эрхэм уран бүтээлчийн хувьд морин хуур тоглохоос гадна электро техно хөгжимтэй хослуулан хөөмийлдөг гэдгээрээ алдартай. Энэ утгаараа Гоёл-2023 наадмын ковер дууг тэрбээр хөөмийлж, хөгжимджээ.
