Урлагийн салбарт удам дамжсан уран бүтээлч цөөнгүй. Тэднийг түүчээлж яваа уран бүтээлч гэр бүл бол МУГЖ О.Бат-Өлзийгийн гэр бүл.
Энэ гэрийн эзэн нь МУГЖ бол, эзэгтэй нь Ардын жүжигчин Сарантуяа. Тэдний гурван хүүхдээс бага хүү Б.Тамир нь өдгөө дэлгэцийн урлагт амжилттай яваа “Фантастик”-ийн Ерөнхий найруулагч билээ.
Энэ удаад бид сайн жүжигчин байхаасаа илүү сайн хань, сайн аав байхыг илүүд үздэг МУГЖ О.Бат-Өлзийг онцлон папараци дурандаа буулгалаа. Өдгөө 60 насны босго алхаж яваа түүний хувьд залуу насандаа “Гарын 5 хуруу”, “Нандин эрдэнэ” гэх зэрэг кинонд тоглож байсан. Зах зээлийн дараахан “Зүрхэнд шивнэсэн үг” киноны найруулагчаар ажиллаж муугүй уран бүтээлч гэдгээ харуулж явсан.Гэвч өөрийн амбицаас илүүтэй хайртай гэргий, хонгор үрийнхээ уран бүтээлийг хийхэд ханцуй шамлаж тэднийгээ өнөөдрийн өндөрлөгт хүрэхэд хамгийн их үүрэг гүйцэтгэсэн ААВ билээ.
