Ард түмэндээ “солгой” хэмээн хайрлагдаж, уянгын дууны ханхүү болж өргөмжлөгдсөн эрхэм бол дуучин, МУГЖ Намдагийн Төмөрхуяг билээ.
Түүний олон түмний сонорт хүргэсэн дуунуудыг шинэ залуу үеийнхэн сэргээн дуулж эхлэжээ.
“Ухаарч амьдрах хорвоо”, “Амьдрал хайр дээр тогтдог”, “Саа Мөнгөн Хэрлэн”, “Насны намар”, “Намрын дурсамж” зэрэг олон хит дуунуудын тоонд зүй ёсоор орох дуу бол “Сэтгэлийн эгшиг” юм. Уг дууны шүлгийг Монгол Улсын Соёлын Гавъяат зүтгэлтэн Доржхандын Төрмөнх бичиж, хөгжмийг Ёндонгийн Сүхбаатар зохиож ард түмэнд Н.Төмөрхуяг амилуулж хүргэж байжээ.
МУГЖ Н.Төмөрхуяг “Сэтгэлийн эгшиг”
Дуучин Н.Төмөрхуяг залуу үеээ дэмжин хамтран ажилладаг уран бүтээлч байсан гэдэг нь Дуучин Д.Балдан, О.Эрдэнэсүх зэрэг дуучидтай өөрийн дуулж олон түмэнд хүргэсэн дууг хамтран дуулснаас нь харж болно.
МУГЖ Н.Төмөрхуяг, О.Эрдэнэсүх “Сэтгэлийн эгшиг”
Дуу гэдэг дахин амилах, амьдрах хувьтай байдаг. Үе үеийн дуунууд дараагийн үеийн дуучдын дуу хоолой, сэтгэл зүрхээр дахин амилах нь жам гэлтэй. Намдагийн Төмөрхуяг агсаны гэр бүл түүний дуулж байсан дуунуудыг орчин цагийн шинэ шилдэг, залуу дуучдаар дуулуулах ажлыг эхлүүлсэн байна. Үүний тод жишээ дуучин Н.Ундрал “Сэтгэлийн эгшиг” дууг яруу найрагч, хөгжмийн зохиолчийн өв залгамжлагч нарын албан ёсны зөвшөөрөлтэйгээр дахин амилуулж, клипжүүлжээ.
Дуучин Н.Ундрал “Сэтгэлийн эгшиг”
“Сэтгэлийн эгшиг” дууг хэн сайн амьдруулсанг мэргэн сонсогч та бүхэн дор бүрнээ тунгаах биз ээ
