Үзмэрч засалч Нямаа энэ удаа засал хийлгэхийн учрын талаар зөвлөв.
Тэрээр “Та бүхэн маань эрүүл мэндээ засахаас эхлээд сэтгэлээ, биеэ, гэрээ, төрөө засах гэх мэт энгийн ойлголтоор бус амьдралынхаа хазгайг тэгшитгэх, буруудсаныг зөвтгөх утгаар нь авч үзэх хэрэгтэй.
Засал нь хүний бие, сэтгэл, бодол санаа, эрүүл мэнд, залбирал мөргөл, ухамсар, хар цагаан хэл ам хараал зэрэг амьдралд нь эерэг нөлөө, эрчим хүчийг үзүүлж бурхадын их хүч, тарни, бясалгалын ид шид, бие эрчим хүчний энергээр түгдэг юм.
Засал хийлгэхэд тэр агшнаас эсвэл хэсэг хугацааны дараа үйлчлэл үзүүлдэг. Засал нь хүчтэй байх тусмаа төдий чинээ сайн байх бөгөөд хамгийн гол нь засал хийж буй хүн, хийлгүүлж буй хүн хоёулаа үнэн сүжгээр сэтгэлээр хандаж, итгэл төгс байх явдал чухал юм” гэлээ.
