УИХ-ын гишүүн асан, Эдийн засгийн хөгжлийн сайдаар ажиллаж байсан “Фортуна” Н.Батбаярыг танихгүй мэдэхгүй хүн цөөн. Их хурлын гишүүн байхдаа тэрбээр тэнгэр үзлийг дээдэлдэг болсноо илэрхийлж, үсээ ургуулж, Төрийн их галыг тахиж байв.
Тэрбүү хэл, эмэгтэй хүнийг галд ойртохыг цээрлэж, өөрийгөө “Бага хаан”-ы хойд дүр хэмээн итгэж, итгүүлж явсан удаатай.
Тэгвэл тэрбээр өдгөө Төрийн оронд болж буй Хөгжлийн банкны сонсголд гэрчээр татагдаж үгээ хэлж байна.
Өмнөх шигээ урт үс, дээл хувцсаа “орхиж” үсээ халимаг болгон, европ хүрмээр гоёж иржээ.
Сонирхуулахад, түүний охид мөн л аав шигээ улс төрийн замналаар явж буй гэнэ лээ. Том охин Б.Жаргалан нь “Занаду” арт галерейгийн захирлаар ажиллаж байсан бөгөөд АН-ын Үндэсний зөвлөлдөх хорооны гишүүн юм. Бага охин Б.Хулан нь Бостоны Их сургуулийг дүүргэсэн боловсролтой нэгэн аж.
Н.Батбаяр охидынхоо тухай өгүүлэхдээ “Хүүхэд аавынхаа мэргэжлийг өвлөдөг биз дээ. Эмч, багш гээд. Улс төрч гэсэн адилхан шүү дээ. Хүүхэд багаасаа аавынхаа мэргэжлийг ойлгоод дэргэд байгаад ирэхээрээ мэргэжилд нь дур сонирхолтой болох тал байна” хэмээж байлаа.
