Дуу хуурын өлгий нутаг Дундговиос нэгэн дуучин нийтийн дууны ертөнцөд “Жавхлант минь” дуугаараа орж ирсэн нь Ганбатын Энхцэцэг байлаа.
Монголынхоо эрчүүдийг магтан дуулсан “Жавхлант минь” дуу нь гарсан даруйдаа сонсогчдын сонорт хүрч, талархлыг хүлээсэн. Энэ дуу нь дуучин Г.Энхцэцэгийн нэрийн хуудас болж олонд таниулсан анхны дуу нь юм.
Монгол Улсын өсөх идэр начин Э.Энхбат агсанд зориулсан дуу хэмээн андуурагдаж явсан энэ дуу олон мянган эрчүүдийн хийморь золбоог бадрааж, урам зоригийг сэргээсэн. Анхны бие даасан тоглолтоо уг дуугаар нэрлэж амжилтаа бататгасан тэрээр манай дуранд ийнхүү өртсөн юм.
“Жавхлант минь” дууны шүлгийг МУСГЗ, дууны яруу найрагч Ү.Хүрэлбаатар бичсэн бол хөгжмийг “Аянга” студийн захирал, хөгжмийн зохиолч Э.Эрболд бичжээ.
“Жавхлант минь” дуугаар алдаршиж яваа жавхаалаг бүсгүйд уран бүтээлийн амжилт хүсье.
