Ч.Ундрам гишүүн твиттер хаягаараа “алдаа” гаргасанд олон нийт шүүмжлэлтэй хандаж байна. Тодруулбал, тэрбээр өөрийн хаягаар нийтэлсэн мэдээлэлдээ өөрийн хаягаар сэтгэгдэл үлдээсэн ч “тролл” хаяг мэтээр жиргэсэн юм.
Харин эл үйлдэлд түүний туслах хариулт өгөв.
Тэрбээр, “Ч.Ундрам гишүүн тойрогтоо тайлангаа тавьж, иргэд сонгогчидтойгоо уулзалт хийж яваа юм. Энэ хооронд миний бие гишүүний Твиттерийг хөтлөхдөө алдаа гаргаж өөрийн хаягаас сэтгэгдэл үлдээж байна гэж андуурч гишүүний хаягаас бичсэндээ харамсаж байна. Мөн та бүгдэд буруу сэтгэгдэл төрүүлсэндээ хүлцэл өчье” гэжээ.
