Парламентийн түүхэнд хувийн амьдрал, дуулиан шуугианаараа онцгойрдог байсан улс төрч бол МАК группын “ханхүү” Н.Номтойбаяр. УИХ-ын гишүүнээс эхлээд ХНХЯ-ны сайдаар ажиллаж байсан тэрбээр 2020 оны сонгуулийн үеэр “аав”-ынд сууж байсан. 
Баян хүнийг балаг тойрдоггүй гэдэгчлэн хүчин, хүн амь гэх мэт асуудалд түүний нэр нэг удаа бус цохиж явсан удаатай. Энэ ч утгаараа МАН-ын ах нар нь “замаасаа зайлуулсан” гэх яриа бий. Үнэн худлыг хэн мэдлээ.
Тэгвэл сүүлийн үед түүнийг улс төрд эргэн ирэлт хийхээр зэхэж байгааг учир мэдэх хүмүүс хэлэх болжээ.
Тодруулбал, өнгөрсөн амралтын өдөр дэгдсэн Ч.Ундрам гишүүнтэй холбоотой асуудлыг улам дэвэргэж, сэвж сенсацилсан эрхэм нь Н.Номтойбаяр байсан гэх. Н.Номтойбаярын хувьд өмнө нь Дорнод аймгаас улиран сонгогдож улс төрд сууж байв. Сүүлд 2020 оны сонгуулиар Хан-Уул дүүрэгт нэр дэвшсэн ч “аав”-ынд суусан байдаг. Улмаар сонгуулийн ажлыг нь аав ээж, ар гэрийнхэн нь үргэлжлүүлсэн удаатай. Сонгуулийн дараагаар түүнийг сулласан. Зарим нэг хүмүүс энэ талаар “ял наймаалцсан байх магадлалтай” гэх яриаг тухайн үед гаргаж байв.
Харин өдгөө ирэх сонгуульд өвөөгийнхөө төрлөх нутаг Сэлэнгээс нэр дэвшихээр “өрсөлдөгч” Ч.Ундрам гишүүн рүү “зүү шидэж” эхэлсэн бололтой. Уг таамаглал үнэн эсэхийг цаг хугацаа харуулах биз ээ.
