Монгол Улсын Соёлын гавьяат зүтгэлтэн, Д.Нацагдоржийн нэрэмжит шагналт, “Болор цом” яруу найргийн наадмын эзэн, яруу найрагч Арлааны Эрдэнэ-Очир агсан бурхан зүг морилж монголын утга зохиолд томоохон гарз учирсан.
Үртэй хүн үргэлжилдэгийн жамаар түүний хүү Э.Цагаан-Уул аавынхаа үйл хэргийг үргэлжлүүлэхээр “Арлааны Эрдэнэ-Очир” сан байгуулсан.
Сангийн зүгээс Арлааны Эрдэнэ-Очир агсаны тухай найз нөхөдийн бичсэн дурсамжаар “Дурсамж”, мөн Яруу найргийн түүвэр гэсэн хос номыг өнөөдөр нээлээ.
Эрхэм найрагчийн бүтээл туурвил үргэлжид дуурсагдаж байг ээ.
